காஷ்மீர் மக்களுக்காக வீதியில் இறங்கி போராடுங்கள்

ஜம்மு காஷ்மீர் மக்களுக்கு ஆதரவாகவும், இந்திய அரசை கண்டித்தும் ஒரு மணி நேரம் வீதியில் இறங்கி போராட்டம் நடத்த பாகிஸ்தான் மக்களுக்கு, பிரதமர் இம்ரான் கான் அழைப்பு விடுத்துள்ளார். ஜம்மு காஷ்மீர் மாநிலத்துக்கான சிறப்பு அந்தஸ்தை மத்திய அரசு செய்து, அரசியலமைப்பில் 370 பிரிவை திரும்பப்பெற்றது. மாநிலத்தை இரு பிரிவுகளாகப் பிரித்து, லடாக், ஜம்மு காஷ்மீர் என இரு யூனியன் பிரதேசங்களாக அறிவித்தது. இந்திய அரசின் இந்த நடவடிக்கைக்கு தொடக்கத்தில் இருந்தே கடும் எதிர்ப்புத் தெரிவித்து வந்த பாகிஸ்தான் அரசு, இந்தியாவுடனான வர்த்தக உறவு, ரயில், பஸ் போக்குவரத்தையும் ரத்து செய்தது. மேலும், இந்தியாவின் செயல் குறித்து சர்வதேச சமூகத்திடம் பாகிஸ்தான் அரசு முறையிட்டபோதும், எதிர்பார்த்த ஆதரவு உலக நாடுகளிடம் இருந்து கிடைக்கவி்ல்லை. வரும் செப்டம்பர் மாதம் ஐ.நா.வில் நடக்கும் ஆண்டு பொதுக்குழுக் கூட்டத்தில் காஷ்மீர் விவகாரத்தை…

சம்பளம் தராமல் ஏமாற்றுகின்றனர் தயாரிப்பாளர்கள்

அசுரன் போன்ற ஒரு படத்தில் நடிக்க 36 வயதில் எனக்கு வாய்ப்பு கிடைத்ததை பெருமையாக கருதுகிறேன். இந்த படம் எனக்கு ஒரு முக்கியமான படமாக இருக்கும். தனுஷ்-மஞ்சுவாரியர் நடித்துள்ள படம் அசுரன். வெற்றி மாறன் இயக்கி உள்ளார். எஸ்.தாணு தயாரித்துள்ளார். இந்த படத்தின் பாடல் வெளியீட்டு விழா சென்னையில் நடந்தது. இதில் தனுஷ் கலந்து கொண்டு பேசியதாவது:- “அசுரன் போன்ற ஒரு படத்தில் நடிக்க 36 வயதில் எனக்கு வாய்ப்பு கிடைத்ததை பெருமையாக கருதுகிறேன். இந்த படம் எனக்கு ஒரு முக்கியமான படமாக இருக்கும். மஞ்சுவாரியர் திறமையான நடிகை. அவருடன் நடிக்க வேண்டும் என்ற ஆசை இதில் நிறைவேறி உள்ளது. வடசென்னையை விட அசுரன்தான் வெற்றிமாறனின் சிறந்த படமாக இருக்கும். வட சென்னை படத்துக்கு தேசிய விருது கிடைக்கவில்லையே என்று ரசிகர்கள் வருத்தப்படுகிறார்கள். நான் விருது கிடைத்ததும்…

விஜய்யை வைத்து மீண்டும் படம் தயாரிப்பதில் மகிழ்ச்சி

விஜய் நடித்த ‘செந்தூர பாண்டி,’ ‘ரசிகன்,’ ‘தேவா’ ஆகிய மூன்று படங்களை தயாரித்தவர், எஸ்.சேவியர் பிரிட்டோ. இவர், விஜய்யின் நெருங்கிய உறவினர் ஆவார். விஜய்யின் ஆரம்ப கால வளர்ச்சியில் அக்கறை கொண்டவர். சில வருட இடைவெளிக்குப்பின் இவர், மீண்டும் விஜய் நடிக்கும் படத்தை தயாரிக்கிறார். இதுபற்றி அவர் சொல்கிறார்:- “நீண்ட காலத்துக்குப்பின், விஜய்யுடன் இணைந்து பணியாற்றுவதில், மகிழ்ச்சி. அவரை வைத்து ஏற்கனவே 3 படங்களை தயாரிக்கும் வாய்ப்பு எனக்கு கிடைத்தது. ‘பிகில்’ படத்தை அடுத்து விஜய் நடிக்கும் புதிய படத்தை தயாரிக்கிறோம் என்பதை அனைவருக்கும் அறிவிப்பதில் பெருமிதம் கொள்கிறோம்., இது, அவர் நடிக்கும் 64-வது படம். இந்த படத்தை லோகேஷ் கனகராஜ் இயக்க இருக்கிறார். இவர், ‘மாநகரம்,’ ‘கைதி’ ஆகிய படங்களை இயக்கியவர். அனிருத் இசையமைக்கிறார். சத்யன் சூரியன் ஒளிப்பதிவு செய்கிறார். படப்பிடிப்பை வருகிற அக்டோபர் மாதம்…

ஜெயலலிதாவின் சொத்துக்களை ஏழை மக்களின் நலனுக்காக

ஜெயலலிதாவின் சொத்துக்களை நிர்வகிக்க நிர்வாகியை நியமிக்க கோரிய வழக்கில் தீபா மற்றும் தீபக் இருவரும் சென்னை உயர்நீதிமன்றத்தில் இன்று ஆஜராகினர். மறைந்த முதல்வர் ஜெயலலிதாவின் சொத்துக்களை நிர்வகிக்க நிர்வாகியை நியமிக்க கோரி சென்னையை சேர்ந்த அ.தி.மு.க. பிரமுகர் புகழேந்தி, ஜனார்த்தனன் ஆகியோர் வழக்கு தொடர்ந்திருந்தனர். கடந்த 27 ஆம் தேதி இந்த வழக்கு தொடர்பாக உயர்நீதிமன்றத்தில் நீதிபதிகள் கிருபாகரன், அப்துல் குத்தூஸ் இருவரும் இந்த வழக்கை விசாரித்தனர். விசாரணையின் போது ஜெயலலிதாவின் சொத்துக்களை நிர்வகிக்க ஐ.ஏ.எஸ், ஐ.பி.எஸ் அல்லது ஓய்வு பெற்ற நீதிபதியை நியமிக்க வேண்டும் என மனுதாரர் தரப்பில் தெரிவிக்கப்பட்டது. இந்த வழக்கு தொடர்பாக விசாரணை நடத்த தீபா மற்றும் தீபக் ஆகிய இருவரும் ஆகஸ்டு 30-ந் தேதி (இன்று) ஆஜராக வேண்டும் என நீதிபதிகள் உத்தரவிட்டனர். அதனைத் தொடர்ந்து தீபா, தீபக் இருவரும் சென்னை…

அடிபட்ட கன்று ; பாசப் போராட்டம் நடத்திய தாய்..!

முச்சக்கர வண்டி மோதியதில் அடிபட்டு உயிருக்கு போராடிய தனது கன்றுக் குட்டியைப் பார்த்து பதறிய தாய்ப் பசு, கன்றை நாக்கினால் தடவி பாசப் போராட்டம் நடத்தியக் காட்சி கண்டோரின் கண்களில் நீரை வரவழைத்தது. தமிழகத்தின் திருச்சி மன்னார்புரத்தில் இருந்து கே.கே.நகருக்கு ஒரு முச்சக்கர வண்டி சென்று கொண்டிருந்தது. காஜாமலை காலனி அருகே அந்த முச்சக்கர வண்டி சென்றபோது, ஓடிவந்த கன்றுக் குட்டி அதன் மீது மோதி சாலையில் கவிழ்ந்தது. இதில், முச்சக்கர சாரதிக்கு லேசான காயம் ஏற்பட்டது. முச்சக்கர வண்டி மோதிய வேகத்தில் தூக்கி வீசப்பட்ட கன்றுக் குட்டி, படுகாயமடைந்து உயிருக்கு போராடிக்கொண்டிருந்தது. இதைப் பார்த்த அப்பகுதி மக்கள் ஓடி வந்து முச்சக்கர வண்டியை தூக்கி நிறுத்திவிட்டு கன்றுக் குட்டியை மீட்க முயற்சி செய்தனர். அதற்குள் அங்கு சில பசுக்களுடன் ஓடிவந்த கன்றின் தாய், அடிபட்டு வலியால்…

காணாமலாக்கப்பட்டோர் தினத்தை முன்னிட்டு ஐ.நா. அறிக்கை!

வலிந்து காணாமலாக்கப்படும் சம்பவங்களைப் பொறுத்தவரை இலங்கை மிக நீண்ட வரலாற்றைக் கொண்டிருப்பதாக ஐக்கிய நாடுகள் சபை தெரிவித்துள்ளது. அத்துடன் காணாமல்போனோர் அலுவலகம் மாபெரும் பொறுப்பு ஒன்றைக் கொண்டிருக்கிறது. அவ்வலுவலகத்தின் சவால்மிக்க ஆணையை நிறைவேற்றுவதற்கு சம்பந்தப்பட்ட அனைத்து அரச நிறுவனங்களினதும் ஒத்துழைப்பு அவசியமாகும். நீண்டகால நோக்கிலான நிலைபேறான முயற்சிகளின் ஊடாகவே துன்பத்தை அனுபவித்துக்கொண்டிருக்கும் ஆயிரக்கணக்கானோருக்கான தீர்வையும், மீட்சியையும் அளிக்க முடியும் என்றும் ஐக்கிய நாடுகள் சபை சுட்டிக்காட்டியிருக்கிறது. சர்வதேச வலிந்து காணாமலாக்கப்பட்டோர் தினத்தை முன்னிட்டு இன்று வெள்ளிக்கிழமை ஐக்கிய நாடுகள்சபை வெளியிட்டிருக்கும் அறிக்கையிலேயே இவ்வாறு குறிப்பிடப்பட்டுள்ளது.

சஜித் தரப்பு எம்.பிக்கள் மங்கள இல்லத்தில் இரகசிய சந்திப்பு

எதிர்வரும் ஜனாதிபதி தேர்தல் வேட்பாளர் தொடர்பில் அமைச்சர் சஜித் பிரேமதாச தரப்பு எம்.பிக்களின் முக்கிய சந்திப்பொன்று நேற்று முன்தினம் இரவு அமைச்சர் மங்கள சமரவீரவின் உத்தியோகபூர்வ இல்லத்தில் நடைபெற்றுள்ளது. இதில் சுமார் 40ஐ.தே.க எம்.பிக்கள் கலந்து கொண்டதாக தெரியவருகிறது. இச் சந்திப்பு இரவு 7மணி முதல் நள்ளிரவு ஒரு மணி வரை நடைபெற்றதாக தகவல்கள் தெரிவிக்கின்றன. சந்திப்பு குறித்து கருத்துத் தெரிவித்த அமைச்சர் சுஜீவ சேனசிங்க, பேச்சுவார்த்தை வெற்றிகரமாக நடைபெற்றது. எதிர்வரும் தேர்தலில் வெற்றிபெறுவதற்கான வழிவகைகள் குறித்து முக்கியமாக ஆராயப்பட்டது. இன்னும் ஒரு வாரம் அல்லது ஒன்றரை வாரத்தினுள் ஜனாதிபதி வேட்பாளர் முடிவு செய்யப்படுவார். அத்தோடு தேர்தல் பணிகளில் முழுமையாக இறங்க இருக்கிறோம். பிரதமர் ரணில் விக்கிரமசிங்கவும் அமைச்சர் சஜித் பிரேமதாஸவை களமிறக்க விருப்பம் தெரிவிக்கும் நிலை எதிர்வரும் தினங்களில் உருவாகும் எனவும் அவர் கூறினார். அமைச்சர்…

இந்து சமுத்திர பாதுகாப்பை உறுதிப்படுத்துவதில் கூடுதல் கவனம்

கடல்வழி வர்த்தகம், சக்தி வளம். அகழ்வு மற்றும் இராணுவ ரீதியில் முக்கியத்துவம் வாய்ந்ததாக கருதப்படும் இந்து சமுத்திர பிராந்தியத்தின் பாதுகாப்பை உறுதிப்படுத்துவதில் இலங்கை கூடுதல் கவனம் செலுத்தி வருவதாக பாதுகாப்புச் செயலாளர் சாந்த கோட்டேகொட தெரிவித்தார். பிராந்தியத்தின் அமைதி, சமாதானம் மற்றும் ஸ்தீரதன்மைக்கு மதங்களை அடிப்படையாகக் கொண்ட அடிப்படைவாதக் குழுக்களின் செயற்பாடுகள் பாரிய அச்சுறுத்தலாக உள்ளது எனவும் அவர் குறிப்பிட்டார். எனவே, உலகளாவிய ரீதியிலும் பிராந்திய மட்டத்திலும் அமைதி, சமாதானம், ஸ்திரத்தன்மையை ஏற்படுத்த தனித்தனியாக செயற்படுவதைவிட ஒன்றிணைந்து செயற்படுவதன் மூலமே இலக்கை அடைய முடியும் எனவும் சுட்டிக்காட்டினார். இலங்கை இராணுவம் வருடாந்தம் நடத்திவரும் கொழும்பு பாதுகாப்பு மாநாடு நேற்று கொழும்பில் ஆரம்பமானது. “சமகால பாதுகாப்பு சூழலில் மாறிவரும் இராணுவத்தின் சிறப்பியல்பு” என்ற தொனிப்பொருளில் பண்டாரநாயக்க சர்வதேச ஞாபகார்த்த மாநாட்டு மண்டபத்தில் இரண்டு நாட்கள் நடைபெற்றுவரும் இம் மாநாட்டின்…

விஷத்தன்மை கொண்ட உணவு இலங்கை முதலிடம்

உலகில் இரசாயனக்கலப்புடனான விஷத்தன்மை கொண்ட உணவுவகைகளை உட்கொள்ளும் நாடுகள் பட்டியலில் இலங்கை முதலிடம் வகிப்பதாக ஏற்றுமதி விவசாயத் திணைக்கள பணிப்பாளர் (அபிவிருத்தி) ஜனக லீன்தர தெரிவித்தார். மாத்தளையில் இடம் பெற்ற ஏற்றுமதி விவசாயத்திணைக்களத்தின் உயர் அதிகாரிகளுக்கான சேவைகாலப் பயிற்சி வகுப்பில் அவர் இதனைத் தெரிவித்தார். அவர் மேலும் தெரிவித்ததாவது, உணவு உற்பத்தி செய்யும் நிலம் முதல் உணவுத் தட்டுவரையான சகல விடயங்களிலும் உணவுப் பாதுகாப்பு பற்றி கவனம் செலுத்தவேண்டியுள்ளது. உற்பத்தி மற்றும் எடுத்துச் செல்லல், களஞ்சியப்படுத்தல் உட்பட பல்வேறு சந்தர்ப்பங்களில் உணவு பழுதடையாமல் இருக்க இராசாயனக் கலப்புகள் சேர்க்கப்படுகின்றன. அவை உட்கொள்ளக் கூடாதவைகளாகும். நல்ல விவசாயப் பழக்கவழக்கங்களை ஏற்படுத்துவதன் ஊடாக அதனைத் தவிர்த்துக்கொள்ள முடியும். முறையற்ற விதத்தில் இரசாயனப் பொருட்களை பயன்படுத்துவதை எல்லைப்படுத்தல் மற்றும் தரமான உணவுகளைப் பயன்படுத்துவது தொடர்பாக உறுதிப்படுத்தல், சுற்றாடலுக்கு இசைவான மற்றும் செலவில்…