பா.ரஞ்சித் இயக்கத்தில் விக்ரம் ஹீரோவாக நடித்து வரும் படம், ‘ தங்கலான்’. பசுபதி, பார்வதி, மாளவிகா மோகனன், பிரிட்டிஷ் நடிகர் டேனியல் கால்டஜிரோனோ உட்பட பலர் நடிக்கின்றனர். ஜி.வி.பிரகாஷ் இசையமைக்கிறார். கோலார் தங்க வயல் பின்னணியில் படம் உருவாகிறது. ஸ்டூடியோ கிரீன் தயாரிக்கும் இந்தப் படம் எதிர்பார்ப்பை ஏற்படுத்தி இருக்கிறது.
கடந்த மாதம், இதன் படப்பிடிப்பு ஒத்திகையின்போது எதிர்பாராத விதமாக நடிகர் விக்ரம் காயமடைந்தார். அவருக்கு விலா எலும்பில் முறிவு ஏற்பட்டது. அதற்காக சிகிச்சைப் பெற்று வந்த அவர் குணமடைந்தார். இதற்கிடையே அவர் லண்டன் சென்று திரும்பியுள்ளார். இந்நிலையில் 15-ம் தேதி முதல் ‘தங்கலான்’ படப்பிடிப்பு மீண்டும் தொடங்குகிறது. மதுரை அருகே 12 நாட்கள் இதன் படப்பிடிப்பு நடைபெற இருக்கிறது.
