பாலா இயக்கும் புதிய படத்தில் கதாநாயனாக அதர்வா நடிக்கிறார். அவருக்கு ஜோடி கீர்த்தி சுரேஷிடம் பேச்சுவார்த்தை நடக்கிறது.
நடிகர் சூர்யாவின் 2டி நிறுவனம் இதுவரை தயாரித்த படங்களில், கதைநாயகியாக ஜோதிகா நடித்து வந்தார். ‘தம்பி’ படத்தில் கார்த்தி கதாநாயகனாக நடித்தார். அவருக்கு அக்காவாக ஜோதிகா நடித்தார். இதுவரை அந்த பட நிறுவனம் வெளி நடிகர்களை வைத்து படம் தயாரிக்கவில்லை.
முதன்முதலாக 2டி நிறுவனம் வெளி நடிகர்களை வைத்து படம் தயாரிக்க முன்வந்துள்ளது. அந்த நிறுவனம் தயாரிக்கும் புதிய படத்தில் அதர்வா கதாநாயகனாக நடிக்கிறார். அவருக்கு ஜோடியாக நடிக்க கீர்த்தி சுரேஷிடம் பேச்சுவார்த்தை நடக்கிறது.
பாலா டைரக்டு செய்கிறார். பெயர் சூட்டப்படாத இந்தப் படத்தின் படப்பிடிப்பு விரைவில் தொடங்க இருக்கிறது. சில வருட இடைவெளிக்குப்பின் பாலா டைரக்டு செய்யும் படம் என்பதால், தமிழ் பட உலகில் இப்போதே எதிர்பார்ப்பு அதிகரித்து இருக்கிறது.
