தொலைக்காட்சியில் நேரடியாக ஒளிபரப்பாகும் மற்றொரு படம்

தொலைக்காட்சியில் நேரடியாக ஒளிபரப்பாகவுள்ளது சமுத்திரக்கனி நடித்துள்ள 'வெள்ளை யானை' திரைப்படம். 2011-ம் ஆண்டு 'சீடன்' படத்தை இயக்கியிருந்தார் சுப்பிரமணிய சிவா. அதனைத் தொடர்ந்து மீண்டும் இயக்கத்துக்குத் திரும்பிய படம் 'வெள்ளை யானை'. மினி ஸ்டுடியோ நிறுவனம் சார்பில் வினோத் குமார் தயாரித்துள்ளார். சமுத்திரக்கனி, ஆத்மியா, யோகி பாபு உள்ளிட்ட பலர் நடித்துள்ள இந்தப் படத்துக்கு சந்தோஷ் நாராயணன் இசையமைத்துள்ளார். இந்தப் படத்தின் படப்பிடிப்பு மற்றும் இறுதிக்கட்ட பணிகள் அனைத்துமே முடிவடைந்துவிட்டன. திரையரங்க வெளியீட்டுக்காக நீண்ட நாட்களாகக் காத்திருந்தது படக்குழு. ஆனால், கரோனா அச்சுறுத்தலால் திரையரங்குகள் எப்போது திறக்கப்படும் என்பதே தெரியாமல் உள்ளன. இதனால், இந்தப் படத்தை நேரடியாக ஓடிடி வெளியீட்டுக்குப் பேச்சுவார்த்தை நடத்தினார்கள். இதில் சன் டிவி நிறுவனம் படக்குழுவினரிடம் பேசி, நேரடியாக தொலைக்காட்சி ஒளிபரப்புக்குக் கைப்பற்றியுள்ளது. அதற்குப் பிறகு சன் நெக்ஸ்ட் ஓடிடியில் வெளியாகவுள்ளது. முன்னதாக…

‘பாகுபலி’ பாணியில் மற்றொரு படம்

பாகுபலி' பாணியில் புதிய படமொன்றில் இணைய பிரபாஸ் - பிரசாந்த் நீல் பேச்சுவார்த்தை நடத்தி வருகின்றனர். 'கே.ஜி.எஃப்' படத்தின் முதல் பாகத்தின் வெற்றியால், தென்னிந்தியத் திரையுலகின் முன்னணி இயக்குநராக வலம் வருகிறார் இயக்குநர் பிரசாந்த் நீல். 'கே.ஜி.எஃப்' 2-ம் பாகத்தின் பணிகளை முடித்துவிட்டு, பிரபாஸ் நடிக்கும் 'சலார்' படத்தை இயக்கி வருகிறார். இதன் படப்பிடிப்பு கரோனா அச்சுறுத்தலால் நிறுத்தி வைக்கப்பட்டுள்ளது. இந்நிலையில், 'பாகுபலி' பாணியில் உருவாக இருக்கும் புதிய படத்தில் இணைய பிரபாஸ் - பிரசாந்த் நீல் கூட்டனி பேச்சுவார்த்தையில் இருப்பதாக பாலிவுட் ஊடகங்கள் செய்தி வெளியிட்டுள்ளன. 'கே.ஜி.எஃப்' படத்தின் வெற்றிக்குப் பிறகு, பிரபாஸ் - பிரசாந்த் நீல் இருவருமே இந்த வரலாற்றுப் பின்னணி கொண்ட படத்துக்குத்தான் முதலில் பேச்சுவார்த்தை நடத்தியுள்ளனர். இதனை தில் ராஜு தயாரிக்க முன்வந்துள்ளார். ஆனால், 'பாகுபலி' படம் நீண்ட வருடங்கள் எடுத்துக்கொண்டதால்…

ரசிகர்கள் வங்கி கணக்கில் பணம் போட்ட சூர்யா

கொரோனா 2-வது அலை ஊரடங்கினால் மக்கள் வேலை இழந்து தவிக்கின்றனர். அரசு நியாய விலை கடைகள் மூலம் குடும்ப அட்டைதாரர்களுக்கு நிதி உதவிகள் வழங்கி வருகிறது. திரைப்படத்துறை முடங்கி உள்ளதால் பெப்சி நிதி திரட்டி சினிமா தொழிலாளர்களுக்கு வழங்குகிறது. இந்த நிலையில் நடிகர் சூர்யா கொரோனாவால் வருமானம் இல்லாமல் கஷ்டப்படும் தனது ரசிகர்களுக்கு நிதி உதவி அளித்துள்ளார். அனைத்து மாவட்டங்களிலும் ரசிகர் மன்ற பணிகளில் ஈடுபட்டு வரும் நிர்வாகிகள் 200 பேருக்கு தலா ரூ.5 ஆயிரம் வழங்கி உள்ளார். இந்த தொகையை ரசிகர்களின் வங்கி கணக்கிலேயே நேரடியாக செலுத்தி உள்ளார். கொரோனா கால கஷ்டத்தில் சூர்யா அனுப்பி உள்ள தொகை பெரிய உதவியாக இருப்பதாக ரசிகர்கள் மகிழ்ச்சி தெரிவித்து உள்ளனர். சூர்யா தற்போது பாண்டிராஜ் இயக்கும் படத்தில் நடித்து வருகிறார். இது அவருக்கு 40-வது படம். நாயகியாக…

சீதை வேடத்தில் நடிக்க ரூ.12 கோடி சம்பளம் கேட்ட நடிகை

ராமாயண கதையை ஏற்கனவே சிலர் படமாக எடுத்து வெளியிட்டுள்ளனர். தெலுங்கில் ஸ்ரீராமராஜ்ஜியம் என்ற பெயரில் வெளியான ராமாயண படத்தில் பாலகிருஷ்ணா ராமராகவும், நயன்தாரா சீதையாகவும் நடித்து இருந்தனர். தமிழ், தெலுங்கு மொழிகளில் ஆதிபுருஷ் என்ற பெயரில் ராமாயண கதை படமாகிறது. இந்த நிலையில் தமிழ், தெலுங்கு, இந்தி மொழிகளில் 3 டி தொழில்நுட்பத்தோடு இன்னொரு ராமாயண படமும் தயாராகிறது. தங்கல் படம் மூலம் பிரபலமான நிதிஷ் திவாரி, மாம் படத்தை இயக்கிய ரவி உடையார் ஆகியோர் இணைந்து இயக்குகிறார்கள். இந்த படத்தில் சீதையாக நடிக்க பிரபல இந்தி நடிகை கரீனா கபூரை அணுகினர். அவர் ரூ.12 கோடி சம்பளம் கேட்டதாக தகவல் வெளியாகி உள்ளது. முந்தைய படங்களுக்கு ரூ.8 கோடி வாங்கிய அவர் ரூ.12 கோடி கேட்டது படக்குழுவினருக்கு அதிர்ச்சியை ஏற்படுத்தியது. 10 மாதங்கள் தொடர்ச்சியாக படப்பிடிப்பில்…

இந்தியாவில் ஒருநாள் கரோனா உயிரிழப்பு 6,148 ஆக உயர்ந்தது ?

இந்தியாவில் ஒருநாள் கரோனா உயிரிழப்பு 6,148 ஆக உயர்ந்தது ஏன் என்பது குறித்து மத்திய சுகாதார அமைச்சகம் விளக்கம் அளித்துள்ளது. இந்தியாவில் தினசரி கரோனா தொற்று குறைந்து வரும் நிலையில் மூன்றாவது நாளாக இன்றும் தொற்றால் பாதிக்கப்பட்டோர் எண்ணிக்கை ஒரு லட்சத்திற்கும் கீழ் குறைந்துள்ளது. அதேசமயம் கடந்த 24 மணிநேரத்தில் 6148 பேர் உயிரிழந்துள்ளததாக கரோனா நிலவரம் குறித்த புள்ளிவிவரங்களை மத்திய சுகாதார அமைச்சகம் வெளியிட்டது.இதில் ஒருநாள் கரோனாவால் பாதிக்கப்பட்டோர் 94,052 பேர் என்றும் கடந்த 24 மணிநேரத்தில் இந்தியாவில் கரோனா தாக்குதலுக்கு மேலும் 6 ஆயிரத்து 148 பேர் உயிரிழந்ததாக தெரிவிக்கப்பட்டது. நாட்டில் இதுவரை பதிவான உச்சபட்ச ஒருநாள் கரோனா உயிரிழப்பு இதுவாகும். ஆனால், 6 ஆயிரத்து 148 உயிரிழப்புகளும் கடந்த 24 மணிநேரத்தில் நடந்தவை இல்லை என மத்திய சுகாதார அமைச்சகம் தற்போது விளக்கம்…

கொரோனா நோயாளியை தூக்கிச் சென்ற நபர்!

நேற்றிரவு (09) தீடீரென நோய்வாய்ப்பட்ட பெண் ஒருவரை அவரின் உறவினர்கள் அம்பாறை மத்திய முகாம் வைத்தியசாலைக்கு கொண்டு வந்துள்ளனர். குறித்த பெண்ணை வைத்தியசாலையில் அனுமதிக்கும் முன்னர் சுகாதார பிரிவினரால் அவருக்கு என்டிஜன் பரிசோதனை மேற்கொள்ளப்பட்டுள்ள நிலையில் இதன்போது அவருக்கு கொவிட் 19 தொற்று உறுதிப்படுத்தப்பட்டுள்ளது. இந்நிலையில், குறித்த பெண்ணை வைத்தியசாலையில் அனுமதிப்பதற்கு தேவையான நடவடிக்கைகள் வைத்தியசாலை ஊழியர்களால் முன்னெடுக்கப்பட்டிருந்த சந்தர்ப்பத்தில் அங்கு வந்த நபர் ஒருவர் குறித்த பெண்ணை முச்சக்கரவண்டி ஒன்றில் ஏற்றிக்கொண்டு அங்கிருந்து சென்றுள்ளார். குறித்த சம்பவத்தை அருகில் இருந்த நபர் ஒருவர் அவரது கைப்பேசியில் பதிவு செய்திருந்தார். குறித்த நபர் நோயாளியான பெண்ணை கல்முனை வைத்தியசாலைக்கு கொண்டு சென்றுள்ளதாகவும், அங்கு மேற்கொள்ளப்பட்ட என்டிஜன் பரிசோதனையிலும் அவருக்கு தொற்று உறுதியாகி உள்ளதாகவும் தெரிவிக்கப்படுகிறது. ------- நாட்டில் மேலும் 2,142 பேர் கொரோனா தொற்றுக்கு உள்ளாகி உள்ளதாக…

12,13ஆம் திகதிகளில் பொருளாதார மத்திய நிலையங்கள் திறப்பு

நாடு முழுவதுமுள்ள அனைத்து பொருளாதார மத்திய நிலையங்களும் எதிர்வரும் 12 மற்றும் 13 ஆம் திகதிகளில் மொத்த வர்த்தக நடவடிக்கைகளுக்காக திறக்கப்படவுள்ளன. விவசாய அபிவிருத்தி இராஜாங்க அமைச்சர் அது தொடர்பில் நேற்று தெரிவிக்கையில்; நாட்டில் பயணத் தடை நடைமுறையிலுள்ள போதும் மொத்த வியாபாரிகள் மற்றும் நடமாடும் வர்த்தக நடவடிக்கைகளில் ஈடுபடுவோர் பொருட்களை கொள்வனவு செய்வதற்கு வசதியாகவே இரண்டு தினங்களுக்கு பொருளாதார மத்திய நிலையங்களைத் திறப்பதற்கு நடவடிக்கை எடுத்துள்ளதாக தெரிவித்தார். —– ஏற்கனவே அறிவிக்கப்பட்படி, தற்போது நாடு முழுவதும் அமுலில் உள்ள பயணக் கட்டுப்பாடு எதிர்வரும் ஜூன்14ஆம் திகதி நீக்கப்படுமென, இராணுவத் தளபதி ஜெனரல் ஷவேந்திர சில்வா அறிவித்துள்ளார். தற்போது அமுலில் உள்ள பயணக் கட்டுபாடுகள் மேலும் சில தினங்களுக்கு நீடிக்கப்படுமென பரப்பப்படும் வதந்திகள் தொடர்பிலேயே அவர் இதனைத் தெரிவித்துள்ளார். கடந்த மே 25ஆம் திகதி இரவு 11.00…