வெப் தொடர்களுக்கு ரசிகர்கள் மத்தியில் வரவேற்பு உள்ளதால் முன்னணி நடிகர், நடிகைகள் அவற்றில் நடிக்க தொடங்கி உள்ளனர்.
ஜெயலலிதா வாழ்க்கை கதையான குயின் வெப் தொடரில் ரம்யாகிருஷ்ணன், சோனியா அகர்வால் ஆகியோர் நடித்துள்ளனர்.பிரசன்னா, பரத், பாபி சிம்ஹா, மீனா. நித்யா மேனன் ஆகியோரும் வெப் தொடர்களில் நடித்துள்ளனர்.
சத்யராஜ், சீதா ஆகியோர் தாமிரா இயக்கும் வெப் தொடரில் நடிக்கின்றனர். காஜல் அகர்வால், தமன்னா, சமந்தா, பிரியா பவானி சங்கர், பிரியாமணி ஆகியோரும் வெப் தொடர்களுக்கு மாறுகிறார்கள்.
இந்த நிலையில் சூர்யாவும் வெப் தொடரில் நடிக்க உள்ளதாக தகவல் பரவி உள்ளது. இந்த வெப் தொடருக்கு ‘நவரசா’ என்று பெயர் வைத்துள்ளதாகவும் ஒன்பது தொடர்கள் கொண்ட இந்த வெப் தொடரை மணிரத்னம், சித்தார்த், அரவிந்தசாமி, ஜெயேந்திரா உள்ளிட்ட 9 இயக்குனர்கள் டைரக்டு செய்ய இருப்பதாகவும் கூறப்படுகிறது.
கொரோனா ஊரடங்கு முடிந்ததும் படப்பிடிப்பு தொடங்கும் என்று தெரிகிறது. சுதா கொங்கரா இயக்கத்தில் சூர்யா நடித்துள்ள சூரரை போற்று படம் திரைக்கு வர தயாராக உள்ளது. அடுத்து ஹரி இயக்கும் அருவா, வெற்றிமாறனின் ‘வாடி வாசல்’ ஆகிய படங்களில் சூர்யா நடிக்க உள்ளார்.
