‘மாஸ்டர்’ படத்தில் நடிக்கும் விஜய்-விஜய்சேதுபதி தோற்றங்கள்

பிகில் படத்துக்கு பிறகு மாஸ்டர் படத்தில் விஜய் நடித்து வருகிறார். கதாநாயகியாக மாளவிகா மோகனன் வருகிறார்.

விஜய்சேதுபதி, சாந்தனு, அர்ஜுன்தாஸ், சஞ்சீவ், ஸ்ரீமன், ஆண்ட்ரியா, கவுரி கிஷான் ஆகியோரும் உள்ளனர். இதன் படப்பிடிப்பு டெல்லியிலும், சென்னை பூந்தமல்லி மாற்றுத்திறனாளிகள் பள்ளியிலும் நடந்தது.

கர்நாடகாவில் உள்ள ஷிமோகா சிறையிலும் முக்கிய காட்சிகளை படமாக்கினர். தற்போது சென்னையில் சிறைச்சாலை அரங்கு அமைத்து படப்பிடிப்பை நடத்துகிறார்கள். மாஸ்டர் கொரிய படத்தின் கதை என்று தகவல் கசிந்தது. படக்குழுவினர் மறுத்தனர். படத்தில் விஜய் கல்லூரி பேராசிரியராக வருகிறார் என்றும், நீட் தேர்வு பாதிப்புகளை மையப்படுத்தி உருவாகிறது என்றும் தகவல்கள் பரவின.

இதனை படக்குழுவினர் உறுதிப்படுத்தவில்லை. விஜய்யின் தோற்றங்கள் ஏற்கனவே வெளியாகி வரவேற்பை பெற்றன. தற்போது விஜய்யும், விஜய் சேதுபதியும் ரத்தம் தெறிக்க ஆக்ரோஷமாக கத்திக்கொண்டு மோதுவது போன்ற இன்னொரு போஸ்டரை படக்குழுவினர் வெளியிட்டுள்ளனர்.

விஜய் சேதுபதி கழுத்தில் ருத்ராட்ச மாலை அணிந்துள்ளார். மாஸ்டர் படத்தில் வில்லனாக அவர் நடிக்கிறார் என்று ஏற்கனவே கூறப்பட்ட நிலையில் போஸ்டர் அதை உறுதிப்படுத்துவதுபோல் உள்ளது. இருவரும் சட்டை போடாமல் வெறும் உடம்புடன் சண்டை போடுவதுபோல் காட்சி அமைந்துள்ளது.

இந்த தோற்றங்கள் வெறித்தனமாக இருப்பதாக ரசிகர்கள் சமூக வலைத்தளத்தில் வைரலாக்கியுள்ளனர். புதிய ஹேஷ்டேக்கையும் உருவாக்கி உலக அளவில் டிரென்டாக்கி வருகிறார்கள். மாஸ்டர் படத்தை ஏப்ரல் மாதம் திரைக்கு கொண்டு வர திட்டமிட்டுள்ளனர்.

Related posts