இந்தி நடிகர் அமிதாப் பச்சனின் தீவிர ரசிகனாக உள்ள 4 வயதே ஆன ஒரு சிறுவன், அவரது பங்களாவிற்கு வெளியே பாதுகாப்புக்காக நிறுத்தப்பட்டிருந்த நபர்களை தாண்டி சென்று அவரது காலில் விழுந்து வணங்கிய சம்பவத்தை அமிதாப் பச்சன் சமூக வலைதளத்தில் பகிர்ந்துள்ளார்.
நடிகர் அமிதாப் பச்சனின் ரசிகர்கள் எல்லா வயதினரிடையேயும் காணப்படுகிறார்கள். இவருடைய படங்கள் குழந்தைகள் மட்டுமின்றி அனைத்து வயதினருக்கும் பிடிக்கும். குழந்தைகளுக்காக பிரத்யேகமாக உருவாக்கப்பட்ட ‘பூத்நாத்’ போன்ற சில படங்களில் அமிதாப் பணியாற்றியுள்ளார்.
அமிதாப் பச்சன் ஒவ்வொரு ஞாயிற்றுக்கிழமையும் அவரது பங்களாவுக்கு வெளியே தனது ரசிகர்களைச் சந்திப்பார், மேலும் நடிகரைப் பார்க்க நிறைய பேர் இங்கு வருகிறார்கள். இந்த நிலையில், தன்னை பாதித்த சம்பவத்தை அமிதாப் பச்சன் சமூக வலைதளத்தில் பகிர்ந்துள்ளார்.
அந்தச் சிறுவன் நடிகர் அமிதாப் பச்சனை சந்தித்ததில் மிகுந்த மகிழ்ச்சி அடைந்தான். அவன் தன் கையில் வைத்திருந்த ஓவியத்தை அவரிடம் காண்பித்து ஆட்டோகிராப் வாங்கி சென்றான். அவரை காண இந்தூரிலிருந்து அந்த சிறுவன் வந்துள்ளான்.
இது போன்ற சம்பவங்கள் தன்னை நெகிழ வைப்பதாக அவர் குறிப்பிட்டுள்ளார். அவர் கூறியுள்ளதாவது, “இந்த 4 வயது குழந்தை டான் திரைப்படத்தைப் பார்த்துவிட்டு நேராக இந்தூரில் இருந்து என்னைச் சந்திக்க வந்தது. வசனங்கள், நடிப்பு, என் வரிகள் போன்றவை. என்னைச் சந்திக்க வேண்டும் என்ற அவனது பழைய ஆசை நிறைவேறியதும், என் காலில் அழுது வணங்கினார்.
ஆனால் சுற்றிவளைப்பை உடைத்துக்கொண்டு ஓடி வந்த பிறகு, நான் அவனுக்கு ஆறுதல் கூறினேன், அவர் வரைந்திருந்த என்னுடைய ஓவியங்களில் கையெழுத்திட்டேன், மேலும் அவனது தந்தையின் கடிதத்தையும் எனக்கு வாசித்து காண்பித்தான்.
என்னுடைய நலம் விரும்பிகளின் உணர்வுகள் இப்படித்தான் இருக்கும். இதைப் பார்த்து நான் தனிமையில் இருக்கும் போது, ‘இதெல்லாம் எதற்கு? எப்படி? எப்பொழுது?..’ என கேட்பேன்” என்று அமிதாப் கூறியுள்ளார்.மேலும், பார்வையாளர்களிடம் மிகப் பிரபலமான நிகழ்ச்சியான ‘குரோர்பதி( யார் கோடீஸ்வரராவார்)’ நிகழ்ச்சி விரைவில் தொடங்க உள்ளதையும் அவர் குறிப்பிட்டுள்ளார்.
அமிதாப் பச்சன் நடித்த ‘உஞ்சை’ படம் திரையரங்குகளில் ஓடிக்கொண்டிருக்க, மக்களிடம் நல்ல வரவேற்பை பெற்று வருகிறது. இந்தப் படத்தில் அமிதாப் பச்சனுடன் அனுபம் கெர், நீனா குப்தா, போமன் இரானி போன்ற நடிகர்களும் நடித்துள்ளனர்.
