அட்லீ இயக்கத்தில் ‘ஜவான்’ திரைப்படத்தில் ஷாருக்கானுடன் நடிகை நயன்தாரா ஜோடி சேர்ந்துள்ளார். இந்த நிலையில், ஷாருக்கான் இந்த மாத தொடக்கத்தில், நயன்தாரா மற்றும் விக்னேஷ் சிவனின் திருமணத்தில் கலந்து கொண்டபோது இணையத்தில் பெரும் வைரலானது.
திருமண விழாவில் பிரபல விருந்தினர்களுடன் அவர் போஸ் கொடுக்கும் பல படங்கள் இணையத்தில் வைரலாகி வருகின்றன. சமீபத்தில், பிரபல தமிழ் சினிமா மற்றும் தொலைக்காட்சி நடிகை திவ்ய தர்ஷினி தனது டுவிட்டர் பக்கத்தில், ஷாருக்கானுடன் எடுத்த சில புகைப்படங்களை பகிர்ந்துள்ளார்.
முதல் படத்தில், திவ்ய தர்ஷினி ஷாருக்கை கட்டிப்பிடிக்கிறார், அடுத்த படத்தில், அவர்கள் கேமராவுக்கு வெறுமனே போஸ் கொடுக்கிறார்கள். இந்த புகைப்படங்களுடன், ஷாருக்கான் சினிமாதுறையில் கால்பதித்து 30 ஆண்டுகளைக் கொண்டாடும் வகையில், அவரை பாராட்டி திவ்யதர்ஷினி எழுதியுள்ளார்.
“நான் அவரை இறுகக் கட்டிப்பிடித்து, நான் சொல்ல விரும்பிய அனைத்தையும் அவரிடம் சொன்னேன், ‘இவ்வளவு வருஷங்கள், பல நினைவுகள், நீங்கள் எங்களுக்குக் கொடுத்த மகிழ்ச்சி மிகவும் அதிகம் சார்.
உங்கள் மனமகிழ்ச்சிக்காக நான் தினமும் பிரார்த்தனை செய்வேன்” எனக் குறிப்பிட்டுள்ளார். இந்த புகைப்படங்கள் இணையத்தில் வைரலாகி வருகின்றன.
