கடந்த 10 நாட்களில் ஆர்ஆர்ஆர் படம் 819 கோடி ரூபாயை உலகளவில் வசூல் செய்துள்ளது. இதையடுத்து இந்திய அளவில் அதிக வசூலை ஈட்டியுள்ள 6-வது படம் என்ற பெருமையும் படத்திற்கு கிடைத்துள்ளது. தங்கல், பாகுபலி 2, பஜ்ரங் பாய்ஜான், சிக்ரெட் சூப்பர்ஸ்டார் மற்றும் பீகே ஆகிய படங்கள் முதல் 5 இடங்களில் உள்ளது.
இந்நிலையில் தற்போது 10 நாட்களில் 6-வது இடத்திற்கு வந்துள்ள ஆர்ஆர்ஆர் தொடர்ந்து சர்வதேச அளவில் திரையரங்குகளில் வெற்றிகரமாக ஓடி வருகிறது. அதனால் 6-வது இடத்தில் இருந்து மேலும் முன்னேற வாய்ப்புள்ளது. இந்நிலையில் சூப்பர்ஸ்டாரின் 2.O படத்தின் மொத்த வசூலான 800 கோடி ரூபாயை தற்போது ஆர்ஆர்ஆர் 10 நாட்களில் முறியடித்துள்ளது.
ஆர்ஆர்ஆர் படம் 450 கோடி ரூபாய் பட்ஜெட்டில் பிரம்மாண்டமாக எடுக்கப்பட்டது போலவே ரஜினியின் 2.O படமும் லைகா புரொடக்ஷன்ஸ் நிறுவனத்தின் தயாரிப்பாக 450 கோடி ரூபாய் பட்ஜெட்டில் எடுக்கப்பட்டது குறிப்பிடத்தக்கது. டைரக்டர் ஷங்கரின் பிரம்மாண்டமான படைப்பாக வெளியானது இந்தப் படம்.
ராஜமவுலியில் புதிய படத்தில் தெலுங்கு சூப்பர் ஸ்டார் மகேஷ் பாபு நடிக்க உள்ளதாக் தகவல் வெளியாகியுள்ளது. ஆர்.ஆர்.ஆர். படத்தின் வெற்றியை தொடர்ந்து மகேஷ் பாபுவை வைத்து புதிய பட்ஜெட் படம் ஒன்றை இயக்க உள்ளதாக அறிவிப்பு வெளிவந்துள்ளது.
இந்த வருட இறுதிக்குள் ராஜமவுலி, படம் குறித்த அதிகாரப்பூர்வ அறிவிப்பை வெளியிடுவார் என எதிர்பார்க்கப்படுகிறது.
