டாப்ஸி நடிப்பில் உருவாகியுள்ள ‘சபாஷ் மிது’ திரைப்படத்தின் ட்ரெய்லர் வெளியாகியுள்ளது. படம் ஜூலை 15-ம் தேதி திரையரங்குகளில் வெளியிடப்படவுள்ளது.
பிரபல கிரிக்கெட் வீராங்கனை மிதாலி ராஜின் வாழ்க்கையை அடிப்படையாகக் கொண்டு உருவாகியுள்ள படம் ‘சபாஷ் மிது’. இப்படத்தில் மிதாலி ராஜ் பாத்திரத்தில் டாப்ஸி நடித்துள்ளார்.
வயாகாம் 18 ஸ்டுடியோஸ் நிறுவனம் இப்படத்தைத் தயாரித்துள்ளது. இப்படத்தை முதலில் இயக்கி வந்தவர் ராகுல் டோலக்யா. தனிப்பட்ட காரணங்களால் அவர் இப்படத்திலிருந்து விலகவே ஸ்ரீஜித் முகர்ஜி இப்படத்தை இயக்கி முடித்தார்.
இப்படத்தின் படப்பிடிப்பு கடந்தாண்டு ஏப்ரல் மாதம் மும்பையில் தொடங்கப்பட்டது. படப்பிடிப்பு கரோனா அச்சுறுத்தலால் பாதியில் நிறுத்தப்பட்டது.
அதன் பின்னால் கரோனா பரவல் குறையத் தொடங்கியதும் மீண்டும் படப்பிடிப்பைத் தொடங்கி ஒரே கட்டமாக முடித்தது படக்குழு. இந்நிலையில், படத்தின் ட்ரெய்லர் தற்போது வெளியாகியுள்ளது.
