ஸ்ரீசாந்துடன் காதலா? ஷெரின் பேட்டி

“துள்ளுவதோ இளமை’யில் அறிமுகமாகி “உற்சாகம்’ உள்ளிட்ட சில படங்களில் நடித்த ஷெரின்,​​ தற்போது கன்னடப் படங்களில் பிஸியாக இருக்கிறார்.

​​

தமிழ் சினிமாவை மறந்து விட்டீர்களா?​ ​

தமிழ் சினிமாதான் எனக்கான அடையாளத்தைக் கொடுத்த இடம்.​ அதை எப்படி மறக்க முடியும்.​ தமிழ் ரசிகர்கள் என்னை நன்றாகதான் ஆதரித்தார்கள்.​ இருப்பினும் ஏதோ சில காரணங்களால் தொடர் வாய்ப்புகள் கிடைக்காமல் போய் விட்டது.​ அந்த சமயங்களில் கிடைத்த மாற்று மொழி வாய்ப்புகளைப் பயன்படுத்திக் கொண்டேன்.​ அதற்காக தமிழ் சினிமா பக்கமே இனி வர மாட்டேன் என நினைக்க வேண்டாம்.​ தமிழில் நடிக்க ஆர்வமாக இருக்கிறேன்.

மாற்று மொழிகளில் வாய்ப்புகள் எப்படி?​ ​

கன்னடப் படங்களில் நடித்து வருகிறேன்.​ தமிழ் சினிமாவைப் போல் அங்கும் ஹீரோயின்களிடையே போட்டி அதிகமாக இருக்கிறது.​ அந்தப் போட்டியில் நானும் இருக்கிறேன்.​ தமிழை விட நல்ல கேரக்டர்,​​ கிளாமர் என நடிப்புக்கான களம் அங்கே இருக்கிறது.​ தொடரும் வாய்ப்புகளால் மகிழ்ச்சியாக இருக்கிறேன்.

நயன்தாரா கன்னடத்துக்கு வரப் போவது தெரியுமா?

அப்படியா?​ எனக்குத் தெரியாது.​ இப்போதே கன்னடத்தில் நல்ல போட்டி இருக்கிறது.​ நயன்தாரா வந்து விட்டால் சொல்லவே வேண்டாம்.​ நயன்தாராவை வரவேற்று அவருடனான போட்டிக்கு தயாராக வேண்டும்.

தமிழைப் போல் ஹிந்தியிலும் உங்கள்

கிளாமர் அதிர்வுகளை ஏற்படுத்தி இருக்கிறதாமே?

தமிழ் சினிமாவுக்குப் பின் ஹிந்தியில் சில படங்கள் வந்தன.​ அந்தப் படங்கள் யாவும் ஹிட்.​ பத்திரிகையாளராக நடித்த “ஜகருதலா’ நன்றாக போனது.​ கிளாமர்தான் என்னை தேடி வந்தது.​ அதில் பிடித்ததைச் செய்து விட்டு வந்து விட்டேன்.​ மீண்டும் ஹிந்திக்கு செல்லும் திட்டம் இல்லை.​ நல்ல கேரக்டர்கள்,​​ கதை அமைப்பு வந்தால் பார்க்கலாம்.​ ஹிந்தியில் என் கிளாமர் பேசப்பட்டது உண்மை.

கிரிக்கெட் வீரர் ஸ்ரீசாந்தும் நீங்களும் இணைந்திருக்கும் படங்கள் இணையத்தளங்களை கலக்குகிறதே?​ ​

எங்கள் குடும்பத்தின் நெருங்கிய நண்பர் ஸ்ரீசாந்த் அப்பா.​ அதனால் ஷ்ரீசாந்துவை சிறு வயதில் இருந்தே தெரியும்.​ என் அம்மாவின் பிறந்த நாளை மும்பை ஹோட்டலில் கொண்டாடினோம்.​ அந்த விழாவுக்கு ஷ்ரீசாந்த் வந்திருந்தார்.​ அப்போது எடுக்கப்பட்ட படங்களைத்தான் இணையத் தளங்களில் வெளியிட்டு இருக்கிறார்கள்.​ இது வழக்கமான ஒன்றுதான்.​ இதற்கு காதல் அல்லது வேறு மாதிரியோ வதந்தி பரவினால் அதற்கு நான் பொறுப்பல்ல.​ எதையும் மறைக்க வேண்டிய அவசியம் எனக்கில்லை.