பழைய டேனிஸ் திரைப்படங்கள் டிஜிற்றல் மயப்படுகின்றன

டென்மார்க்கில் திரைப்படங்கள் தயாராகி 100 வருடங்கள் தாண்டிவிட்டன. நூற்றாண்டு பழமை மிக்க எத்தனையோ திரைப்படங்கள் செலுலாயிட் பிலிமிலேயே கிடக்கின்றன. இப்படியே கிடந்தால் இவற்றின் எதிர்காலம் என்ன..? ஒரு காலத்தில் வாழ்ந்த கலைஞர்கள் அந்தக் காலத்திற்கு ஏற்ப தயாரித்த அரும் பெரும் முயற்சிகள் மக்கி மண்ணோடு போவதுதான் நீதியா..? இத்திரைப்படங்களை காப்பாற்ற இதுவரை காலமும் புது வழி எதுவும் இல்லாமையால் சிறப்பு இடங்களில் பாதுகாக்கப்பட்டு வந்தன. இவ்விதம் திரைப்படங்கள், குறும்படங்களாக 415 திரைப்படங்கள் இருக்கின்றன. இவற்றின் காண்பிக்கப்படும் நேரம் 315 மணித்தியாலங்களாகும். இருப்பினும் புததிதாக வந்துள்ள டிஜிற்றல் மயப்படுத்தும் தொழில் நுட்பம் இவற்றுக்கு புது வாழ்வும், மறு பிறவியும் கொடுக்க தயாராக இருப்பதால் புதிய கதவுகள் திறந்துள்ளன. ஆகவே உடனடியாக இவற்றை டிஜிற்றல் மயப்படுத்துங்கள் என்று டென்மார்க்கில் உள்ள மூன்று பெரிய நிறுவனங்கள் 30 மில்லியன் குறோணர்களை வழங்கியுள்ளன.…

கண்ணாடி துகள்கள் கலந்த பியர்களை குடிக்காதிருக்கவும்

டென்மார்க்கில் உள்ள காள்ஸ்பியா நிறுவனம் பியர் உற்பத்தியில் உச்சக்கட்டம் அடையும் காலம் இது. நத்தார் கொண்டாட்டங்கள் களைகட்டும் டிசம்பர் என்றால் அது தப்பல்ல. பரபரப்பாக உற்பத்தி நடைபெறும் காலத்தில் சில வேளைகளில் தொழிற்சாலைகளில் தவறுகளும் நடப்பது இயல்பானதே.. சிலர் காள்ஸ்பியா போத்தலை உடைத்து வாயில் ஊற்றிய பின்னர் நடத்தும் தப்புத்தாளங்களை இவர்கள் போத்தலில் அடைக்கும்போதே நடத்தியிருக்கிறார்கள் அவ்வளவுதான் வேறுபாடு. முப்பது போத்தல்கள் கொண்ட பெட்டிகளில் அடுக்கி அனுப்பப்பட்ட பிளாஸ்டிக் கேஸ்கள் கொண்ட போத்தல்களிலேயே கண்ணாடித்துணிக்கைகள் கலந்துள்ளதாக அறிவித்துள்னர். அத்தோடு சிறிது குப்பைகளும் கடதாசித் துணிக்கைகளும் மிதக்கலாம். இந்த பெட்டிகள் நாடு முழுவதும் ஏறத்தாழ விற்பனையாகியிருக்கின்றன. ஆனால் எல்லாவற்றிலும் பாதிப்பு இல்லை, ஆனால் இதில்தான் தவறு இருக்கிறதென திட்டவட்டமாகக் கூற முடியாது. பாவிப்போரே எச்சரிக்கையாக இருக்க வேண்டும். எதற்கும் கண்டு பிடிக்க வசதியாக உற்பத்தி செய்த காலத்தை தந்துள்ளார்கள்.…

இதுவரை உலகம் அறியாத அதிர்வலை பூமிக்கு அடியில் இருந்து

நில நடுக்கம், எரிமலை வெடிப்பு, பாறைத் தகடுகளின் மோதல்கள், முறிவுகள் ஏற்பட்டால் பூமிக்குள் இருந்து அதிர்வலைகள் கிளம்புவதுண்டு. அத்தகைய அதிர்வலைகள் எதிலுமே பொருந்தாத உலகம் இதுவரை அறிந்திராத புதுவகை அதிர்வலை ஒன்று இந்து சமுத்திர பிராந்தியத்தில் கடலடியில் இருந்து கிளம்பியிருக்கிறது. நிலத்தடி அதிர்வலைகளை பதிவு செய்யும் சீசமோகிறாபர் என்ற கணிப்பு கருவிகள் இவை மிகவும் தாழ்ந்த அதிர்வலைகள் என்பதையே காட்டுகின்றன. உலகம் அறியாத புதுமையாக இருப்பதால் இந்த அதிர்வலைகளை விஞ்ஞானிகள் ஆச்சரியத்துடன் நோக்கியுள்ளனர். கடந்த 11ம் திகதி நவம்பர் காலை பிரான்சிற்கு சொந்தமான மயோற்றா தீவு இருக்குமிடத்தில் இருந்து மிகமிக ஆழத்தில் இருந்து அதிர்வலைகள் கிளம்பியுள்ளன. இந்தத் தீவு இந்து சமுத்திரத்தில் ஆபிரிக்காவிற்கு அருகில் உள்ள மடகாஸ்கரை அண்டி இருக்கிறது. கடலின் அடி ஆழத்தில் இருந்து சுமார் 20 நிமிடங்கள் கொண்ட விட்டுவிட்டு நகர்ந்த லேசர் போன்ற…

போரினால் பாதிக்கப்பட்ட கிளிநொச்சியில் ரியூப்தமிழ் புத்தகங்கள்

நேற்று கிளிநொச்சி புதுமுறிப்பு விக்னேஸ்வரா வித்தியாலய பரிசளிப்பு விழா வெகு விமரிசையாக நடைபெற்றது. ரியூப் தமிழ் நிறுவனம் நிகழ்ச்சிக்கு அனுசரணை வழங்கி, நிகழ்வை உலக மன்றுக்கு இணையவழி வழங்கியது. அத்தோடு இதற்கான சான்றிதழ்களை, உலகப்புகழ் பெற்ற பத்து உதைபந்தாட்ட வீரர்கள் என்ற புத்தகத்துடன் இணைத்தும் வழங்கி மாணவர்களுக்கு உற்சாகமூட்டியது. மேலும் வருகை தந்த பெற்றோருக்கு ரியூப் தமிழ் பத்திரிகைகளை இலவசமாக வழங்கும் நிகழ்வும் சிறப்போடு இடம் பெற்றது. போரினால் பாதிக்கப்பட்டு யாருமே கவனிக்காது விடப்பட்டுள்ள தாயகப் பகுதிகள் எவை என்று கேட்டீர்களானால் அதுகுறித்து வழங்க கைநிறைய ஆதாரங்கள் உள்ளன. யாருக்கு எதைச் செய்வது எங்கிருந்து ஆரம்பிப்பது என்பது ஒரு பெரிய கேள்விதான். ஆனால் எதைச் செய்ய முயன்றாலும் உள்ளத்தில் ஒரு கேள்வி எழும். நமது தாயகம் இந்த நிலைக்கு போனதற்கு முக்கியமான காரணம் என்ன..? என்ற கேள்விதான்…

ஓய்வூதியம் பெறுவோருக்கு நல்ல காலம் பிறக்கிறது

டென்மார்க்கின் புதிய வரவு செலவுத்திட்டமானது ஓய்வூதியம் எடுப்போருக்கு ஒரு புதிய கதவை திறக்கவுள்ளது. பென்சன் எடுப்போருக்கு சம்பளம் கூடுகிறது.. அதேபோல வரி கட்டாமல் வேலை செய்ய அனுமதிக்கப்பட்ட மணித்தியாலங்களின் எண்ணிக்கையும் உயர்கிறது. சம்பளம் எதிர்வரும் 2020 ல் 0.3 வீதம் கூடுகிறது. அதுபோல எல்ரா செக் எனப்படும் முதியோர் காசோலை சென்ற ஆண்டுடன் ஒப்பிட்டால் அடுத்த ஆண்டு 0.2 வீதம் உயர்கிறது. போல்க பென்சன் எடுப்போருக்குரிய அடி நிலை பாட்றா என்னும் வரிச்சலுகை வருடாந்தம் 60.000 குறோணர்களில் இருந்து 1.00.000 குறோணர்களாக உயர்கிறது. இதனால் ஓய்வூதியம் பெற்றோர் கரங்களில் காசு விளையாடப்போகிறது என்கிறது ஆளும் வென்ஸ்ர கட்சியும் டேனிஸ் போல்க்க பார்டியும். சீனியர் பிறிமியர் எனப்படும் வரிவிலக்கு பெற்று உழைக்கக் கூடிய தொகை 30.000 ஆகிறது. இதற்காக 30 மணி நேரம் வேலை செய்யலாம் என்றும் கூறப்படுகிறது.…

நாடு கடத்தப்படுவோரை தங்க வைக்க தீவு தயாராகிறது.

டென்மார்க்கில் அரசியல் தஞ்சம் கோரியவர்களில்.. 01. தஞ்சம் நிராகரிக்கப்பட்டு நாடுகடத்தப்பட வேண்டியோர்... 02. துப்பாக்கி, கத்தி போன்றன தூக்கி சண்டைகளில் குதித்து சட்டத்தை மதியாது நடப்போர்... 03. ஆயுதப்போர்களில் குதித்தோர்.. 04. போதை வஸ்த்து கடத்தல் போன்ற கிரிமினல் நடவடிக்கைகளில் ஈடுபட்டடோர்.. என்னும் தரங்களை சேர்ந்தவர்கள் நாடு கடத்தப்பட வேண்டும் என்று முடிவு செய்யப்பட்டால் இனி தலைநகர் பகுதியை அண்டியுள்ள லிண்ட்கொல்ம் என்ற தீவுக்கு இட்டுச் செல்லப்படுவர். இது சிறைச்சாலை படத்தில் வந்தது போல தப்பி ஓட வழியில்லாத ஒரு தீவு. இப்போது இங்கு வெறும் மூன்றே மூன்றுபேர் மட்டுமே வசிக்கிறார்கள். இந்தத் தீவு 12.000 சதுர மீட்டர் பரப்பளவு கொண்டது. 7.000 ச.மீ பரப்பளவில் ஆய்வு கூடம் ஒன்று உண்டு. 1966ம் ஆண்டு அமைக்கப்பட்ட இந்த ஆய்வு கூடத்திற்கு நோயினால் பாதிக்கப்பட்ட மிருகங்கள் கொண்டு செல்லப்பட்டன.…

கிளிநொச்சி புதுமுறிப்பு விக்னேஸ்வரா வித்தியாலய பரிசளிப்பு இன்று

கிளிநொச்சி புதுமுறிப்பு விக்னேஸ்வரா வித்தியாலய பரிசளிப்பு விழா இன்று நடைபெறுகிறது. மிகவும் பின்தங்கிய பகுதியில் உள்ள இந்தப் பாடசாலையில் படிக்கும் மாணவர்களுக்கு மட்டுமல்ல யாழ் மாவட்டம் வரை பரந்துபட்ட அடிப்படையில் இந்த பரிசளிப்பு நடைபெறுகிறது. சுமார் 400 வரையான மாணவர்கள் பங்கேற்கிறார்கள். இவர்கள் அனைவருக்குமான சான்றிதழ்களை ரியூப் தமிழ் சின்னம் பொறித்து வழங்குகிறது பாடசாலை சமூகம். இந்த நிகழ்ச்சியில் இன்னொரு சிறப்பம்சம், சிறப்பு சித்தியடைந்த 150 மாணவர்களுக்கு டென்மார்க் கி.செ.துரை எழுதிய உலக புகழ்பெற்ற பத்து உதைபந்தாட்ட வீரர்கள் என்ற புத்தகமும் வழங்கப்படுகிறது. இவற்றுடன் ரியூப் தமிழ் குழுவினர் யாழ்ப்பாணம் நாவலர் வீதி ரியூப் தமிழ் காரியாலயத்தில் இருந்து புறப்பட்ட போது எடுக்கப்பட்ட புகைப்படம் மேலதிக விபரங்கள் வரும். அலைகள் 30.11.2018

டென்மார்க்கில் தமிழீழ தேசிய மாவீரர் நாள்2018

நவம்பர் 27 தமிழீழத்தின் தேசிய நினைவு நாள், தமிழீழ மண்ணிற்காய் வீரச்சாவடைந்த வீரர்களின் நாளான இன்று டென்மார்க்கில் Herning மற்றும் Holbæk நகரங்களில் பெருந்திரளான தமிழீழ மக்கள் உணர்வு பூர்வமாக கலந்து கொண்டனர். மண்டபம் நிறைந்த மக்களின் நடுவே பொதுச்சுடர் ஏற்றலுடன் நிகழ்வு ஆரம்பமானது. அதனைத்தொடர்ந்து “ஏறுது பார் கொடி ஏறுது பார் “ என்ற தமிழீழத்தின் தேசிய பாடலுடன் தேசிய கொடி ஏற்றப்பட அதற்கு பின் முதல் மாவீரன் சங்கர் வீரச்சாவடைந்த் நேரமான 13.35 ( தாயக நேரம் 6,05) இற்கு மாவீரர் பொது ஈகைச்சுடர் “ ஏற்றப்பட துயிலும் இல்ல பாடல் ஒலிக்க மாவீரர்களின் உறவினர்களால் சுடர் ஏற்றப்பட்டு மலர் வணக்கமும் செய்யப்பட்டது. அதன் பின் மாணவர்கள், மக்களால் சுடர் ஏற்றப்பட்டு மலர் வணக்கமும் செலுத்த்ப்பட்டது. அதே நேரம் தேசநிலா இசைக்குழுவினரால் மாவீரர் பாடல்கள்…

அலைகளில் தட்டச்சு செய்யாமலே கூகுள் றோபோ செய்திகளை எழுத ஆரம்பம்.

அலைகளின் புதிய காலம் ஆரம்பம்.. அலைகள் கூகுள் இயந்திரத்தை வைத்து தனது செய்திகளை எழுதும் காலம் ஆரம்பித்துள்ளது. இது முதல் செய்தி.. தமிழீழ தேசிய தலைவர் மேதகு வேலுப்பிள்ளை பிரபாகரன் 64 வது பிறந்த தினத்தில் அறிமுகமாகிறது. டென்மார்க்கில் உள்ள புத்தக கடைகளில் விற்பனை அதிகரித்திருக்கின்றது. இதற்கு காரணம் வாசிக்கும் பழக்கம் மக்களிடையே பெருகி செல்கிறது. இந்த ஆண்டு விற்பனையானது 1.7 பில்லியன் குறோணர்கள் ஆகும், சென்ற ஆண்டைவிட இது அதிகமான தொகையாகும். இந்த ஆண்டு டிசம்பர் நத்தார் கொண்டாட்டங்கள் வருவதால் புத்தக விற்பனை மிகவும் சிறப்பாக அமையும் என்று எதிர்பார்க்கப்படுகிறது! காரணம் இது புத்தகங்கள் அதிகமாக விற்பனையாகும் காலமாகும். மக்கள் புத்தகங்களை வாங்கி பரிசாக கொடுப்பார்கள் , இத்தகைய பழக்கம் டேனிஸ் மக்களிடையே நீண்ட கால கலாச்சாரமாக இருக்கிறது. அதே வேளை புத்தகங்களை எழுதும் எழுத்தாளர்களோ…