கமல் வெளியிட்ட வீடியோவில் பேசியிருக்கும் வார்த்தைகளை வைத்துப் பார்த்தால், 'இந்தியன் 2' படம் கைவிடப்பட்டதாகவே தெரிகிறது. மீண்டும் கமல் - ஷங்கர் இணைப்பில் தொடங்கப்பட்ட படம் 'இந்தியன் 2'. லைகா நிறுவனம் தயாரிக்க, படப்பூஜையுடன் படப்பிடிப்பு தொடங்கினார்கள். ஆனால், சில நாட்களிலேயே படப்பிடிப்பு நிறுத்தப்பட்டது. தற்போது எப்போது மீண்டும் படப்பிடிப்பு என்பதற்கு எவ்வித பதிலுமே சொல்ல முடியாமல் நிற்கிறது படக்குழு. மக்களவைத் தேர்தல் பிரச்சாரத்தில் தீவிரமாக ஈடுபட்டு வந்தார் கமல். இதனால், மக்களவைத் தேர்தல் முடிந்தவுடன் படப்பிடிப்பு தொடங்கும் என எதிர்பார்க்கப்பட்டது. ஆனால் நேற்று (ஏப்ரல் 16) மாலை தனது ட்விட்டர் பக்கத்தில் வீடியோ ஒன்றை வெளியிட்டார் கமல். அது அவருடைய கட்சி சார்ந்த விளம்பரமாக இருந்தாலும், அதில் ”நான் உசுறா நினைத்த தொழிலை விட்டுவிட்டு இங்கு வந்தால்...” என்று தன்னுடைய பேச்சில் குறிப்பிட்டுள்ளார் கமல். இந்த…
ஏ.ஆர்.முருகதாஸ் இயக்கும் ’தர்பார்’ படத்தில், வில்லன் கதாபாத்திரத்தில் நடிக்க, பாலிவுட் நடிகர் ப்ரதீக் பப்பார் ஒப்பந்தம் செய்யப்பட்டுள்ளார். லைகா தயாரித்து, ஏ.ஆர்.முருகதாஸ் இயக்கத்தில் முதன் முதலில் ரஜினி நடிக்கும் திரைப்படம் ’தர்பார்’. அனிருத் இசையமைக்க நயன்தாரா நாயகியாக நடிக்கிறார். சந்தோஷ் சிவன் ஒளிப்பதிவு செய்கிறார். படத்தின் முதல் போஸ்டர் கடந்த வாரம் வெளியானது. மும்பையில் படப்பிடிப்பு நடைபெற்று வருகிறது. பல வருடங்கள் கழித்து ரஜினிகாந்த் இதில் போலீஸ் கதாபாத்திரத்தில் நடிப்பதாக செய்திகள் வந்துள்ளன.தற்போது இந்தப் படத்தின் வில்லன் கதாபாத்திரத்துக்கு பாலிவுட் நடிகர் ப்ரதீக் பப்பார் இறுதி செய்யப்பட்டுள்ளார். முன்னாள் பாலிவுட் நடிகர்கள் ஸ்மிதா பாடில் மற்றும் ராஜ் பப்பாரின் மகன் ப்ரதீக் பப்பார். ’ஜானே தூ யா ஜானே நா’ படம் மூலம் அறிமுகமான ப்ரதீக், ’தோபி காட்’, ’தம் மாரோ தம்’, ’பாகி 2’ உள்ளிட்ட…
இந்தி பட உலகில் முன்னணி நடிகராக இருப்பவர் சல்மான்கான். ஒரு படத்துக்கு ரூ.50 கோடிக்கு மேல் சம்பளம் வாங்குகிறார். இந்தி பட உலகில் முன்னணி நடிகராக இருப்பவர் சல்மான்கான். ஒரு படத்துக்கு ரூ.50 கோடிக்கு மேல் சம்பளம் வாங்குகிறார். 53 வயதாகியும் இன்னும் திருமணம் செய்துகொள்ளவில்லை. நடிகைகளுடன் இணைத்து கிசுகிசுக்களும் வருகின்றன. நாடாளுமன்ற தேர்தலில் காங்கிரசுக்கு ஆதரவாக பிரசாரம் செய்ய சல்மான்கானுக்கு அந்த கட்சி அழைப்பு விடுத்தது. அதை அவர் நிராகரித்து விட்டார். தனது டுவிட்டர் பக்கத்தில் “ஒவ்வொரு இந்தியரும் வாக்களித்து அதன்மூலம் புதிய அரசை தேர்ந்தெடுப்பதில் அனைவரும் பங்களிப்பை செய்ய வேண்டும்” என்று குறிப்பிட்டு இருந்தார். இந்த நிலையில் சல்கான்கான் இந்தியில் நடித்து வரும் ‘பாரத்’ படம் ரசிகர்கள் மத்தியில் பெரிய வரவேற்பை ஏற்படுத்தி இருந்தது. இதில் கத்ரினா கைப், திஷா பதானி, தபு ஆகியோரும்…
ஓம் சினி வென்சர்ஸ் பட நிறுவனம் சார்பில் சாரதி சதீஷ் தயாரிப்பில், அறிமுக டைரக்டர் சாய் கிருஷ்ணா டைரக்ஷனில், முக்கிய வேடத்தில் இனியா நடித்துள்ள படம், ‘காபி.’ காபி படத்தை பற்றி டைரக்டர் சாய் கிருஷ்ணா கூறியதாவது:- “ஏழ்மை நிலையில் இருக்கும் குடும்பத்தை சேர்ந்த ஒரு பெண், மிக இளம் வயதிலேயே தனது பெற்றோர் களை இழந்து விடுகிறார். வாழ்வின் அனைத்து சவால்களையும், சோதனைகளையும் எதிர்கொண்டு சமாளித்து, தனது கனவை நனவாக்க முயற்சிக்கிறார். தன் தம்பியை நன்கு படிக்க வைத்து, வளர்த்து ஆளாக்குகிறார். இனி சுபிட்சமாக வாழலாம், கஷ்டங்கள் தீர்ந்து விடும் காலம் வந்து விட்டது என்று நம்பிய வேளையில், எதிர்பாராத அதிர்ச்சியான சம்பவம் நடக்கிறது. அதை அவர் எப்படி எதிர்கொண்டு வெற்றி பெறு கிறார்? என்பதே கதை. நமக்கு தெரியாமலே நம்மை அச்சுறுத்திக் கொண்டிருக்கும் ஒரு…
கதாநாயகனுடன் மரத்துக்கு மரம் ஓடிப்பிடித்து விளையாடும் கதாநாயகியாக நடிப்பதில் உடன்பாடு இல்லாதவர், ஆண்ட்ரியா. கனமான கதாபாத்திரங்களில் நடிப்பதில் ஆர்வம் கொண்டவர். அவர் நடித்து சமீபத்தில் வெளிவந்த ‘வடசென்னை’ படமே இதற்கு சாட்சி. வெற்றிமாறன் டைரக்ஷனில் வெளிவந்த அந்த படத்தில் பழிவாங்கும் மனைவியாக, ‘சந்திரா’ என்ற வடசென்னை பெண்ணாக நடித்து, மிரட்டியிருந்தார். இதைத்தொடர்ந்து கதாநாயகியை மையப்படுத்திய கதையம்சம் கொண்ட ‘மாளிகை’ என்ற படத்தில், ஆண்ட்ரியா நடிக்கிறார். இந்த படத்தில் அவர் 2 வேடங்களில் நடிக்கிறார். துணிச்சல் மிகுந்த போலீஸ் அதிகாரி மற்றும் இளவரசி ஆகிய இரண்டு வேடங்களில் அவர் நடித்து வருகிறார். தில் சத்யா டைரக்டு செய்கிறார். இவர் சில கன்னட படங்களை இயக்கியிருக்கிறார். “இது, ஒரு பழிவாங்கும் பேய் படம். இதில், ஆண்ட்ரியா மிகுந்த ஆர்வத்துடன் நடித்து வருகிறார். தொடர்ந்து இதுபோன்ற கனமான வேடங்களில் நடிக்கவே விரும்புகிறேன்”…
நம் நாட்டில் சிறந்த நடிகர்களில் ஒருவராக சூர்யா திகழ்கிறார்'' என்று 'சூரரைப் போற்று' தமிழ்த் திரைப்படத்தின் இணைத் தயாரிப்பாளர் மும்பையைச் சேர்ந்த குனீத் மோங்கா பாராட்டியுள்ளார். தமிழில் 'இறுதிச்சுற்று' இயக்குநர் சுதா கொங்கரா இயக்கத்தில் 'சூரரைப் போற்று' புதிய தமிழ்த் திரைப்படம் பற்றிய அறிவிப்பு வெளியாகியுள்ளது. இதில் தமிழின் முன்னணி நடிகர் சூர்யாவும் மலையாளத்திலிருந்து அனுபமா பாலமுரளியும் நடிக்கிறார்கள். இப்படத்தின் தயாரிப்பாளர்களில் ஒருவரான குனீத் மோங்கா சூர்யா பற்றியும் திரைப்படம் பற்றியும் கூறியதாவது: "தமிழ் சினிமாவில் எங்கள் பயணத்தைத் தொடங்க நாங்கள் மிகவும் மகிழ்ச்சியடைகிறோம். எங்கள் படமான 'சூரரைப் போற்று'வில் சூர்யாவைத் தவிர வேறு யாரும் நடிக்க முடியாது. நம் நாட்டின் சிறந்த நடிகர்களில் ஒருவராகத் திகழும் சூர்யா, தேசியச் சின்னமாவார். தமிழ் சினிமாவில் ஒரு தயாரிப்பாளராக அடியெடுத்து வைக்கும் எனது கன்னிமுயற்சியில் சூர்யா மற்றும் ராஜ்சேகர்,…
விஜய் டிவியில் ஒளிபரப்பாகும் ‘சூப்பர் சிங்கர்’ நிகழ்ச்சி மூலம் பரவலான கவன ஈர்ப்பைப் பெற்றவர் பிரியங்கா. இவர் தற்போது ‘தேவராட்டம்’ படத்தின் மூலம் பின்னணிப் பாடகராக தமிழ் சினிமாவுக்கு அறிமுகம் ஆகிறார். ‘கொடிவீரன்’ படத்தைத் தொடர்ந்து முத்தையா இயக்கத்தில் உருவாகியுள்ள படம் ‘தேவராட்டம்’. ஸ்டூடியோ க்ரீன் நிறுவனம் தயாரித்துள்ள இப்படத்தில் கவுதம் கார்த்திக், மஞ்சிமா மோகன், சூரி உள்ளிட்ட பலர் நடித்துள்ளனர். இப்படத்தின் ‘மதுர பளபளங்குது’ என்ற பாடல் இன்று யூடியூபில் வெளியானது. மோகன்ராஜன் எழுதிய இப்பாடலுக்கு நிவாஸ் கே.பிரசன்னா இசையமைத்துள்ளார். விஜய் சேதுபதி, நிவாஸ் கே.பிரசன்னா, நிரஞ்சனா ரமணன், பிரியங்கா ஆகியோர் ‘மதுர பளபளங்குது’ பாடலைப் பாடியுள்ளனர். ‘சூப்பர் சிங்கர்’ தொகுப்பாளராக இருக்கும் பிரியங்காவின் முதல் பாடல் இது என்பது குறிப்பிடத்தக்கது. இதன் மூலம் தமிழ் சினிமாவில் பின்னணிப் பாடகராக பிரியங்கா அறிமுகம் ஆகியுள்ளார். இதனை…
முன்னாள் எம்.பி.யும் நடிகருமான ஜே.கே.ரித்தீஷ் பிரச்சாரம் செய்யும்போது மாரடைப்பால் மரணமடைந்தார். முகவை குமார் என்ற இயற்பெயர் கொண்டவர் ஜே.கே.ரித்தீஷ்(46). திமுக முன்னாள் அமைச்சர் சுப.தங்கவேலனின் பேரனான இவர் 2009-ம் ஆண்டு ராமநாதபுரம் தொகுதியில் திமுக சார்பில் போட்டியிட்டு எம்.பி. ஆனார். 'சின்னபுள்ள' படத்தில் அறிமுகமான இவர் 'நாயகன்' என்ற படத்தைத் தயாரித்து தானே ஹீரோவாகவும் நடித்தார். அதுவரை ஜே.கே.ரித்தீஷ் என்றால் யாருக்குமே தெரியாது. அதன்பின்னர் அவர் பிரபலமானார். திரையுலகில் அனைவருக்கும் உதவி செய்வது, சங்கப்பணிகளில் வேகம் காட்டியது அவரை வேகமாக திரையுலகின் முக்கிய பிரமுகராக்கியது. 2014-ம் ஆண்டு திமுகவிலிருந்து திடீரென அதிமுகவிற்கு தாவினார் ரித்தீஷ். அதன்பின்னர் இன்னும் செல்வாக்குடன் இருந்த அவர் உதவியால் விஷால் அணியினர் நடிகர் சங்க நிர்வாகிகள் ஆனார்கள். அதன்பின்னர் விஷாலுடன் கருத்து வேறுபாடு ஏற்பட்டு எதிரணிக்குத் தாவினார். இந்நிலையில் அதிமுக அணியில் உள்ள…
ஏ.ஆர்.முருகதாஸ் உருவாக்கிய கதையில் நடிக்க த்ரிஷா சம்மதம் தெரிவித்துள்ளார். இதனை 'எங்கேயும் எப்போதும்' இயக்குநர் சரவணன் இயக்குகிறார். 'எங்கேயும் எப்போதும்' படத்தின் மூலம் தமிழ்த் திரையுலகில் பிரபலமானவர் சரவணன். இவர் ஏ.ஆர்.முருகதாஸிடம் உதவி இயக்குநராகப் பணிபுரிந்தவர். 'எங்கேயும் எப்போதும்' படத்தை ஏ.ஆர்.முருகதாஸ் தயாரிக்க, ஃபாக்ஸ் ஸ்டார் நிறுவனம் வெளியிட்டது. சாலை விபத்தில் சிக்கி, சில காலம் ஓய்வில் இருந்தார் சரவணன். தற்போது பழைய நிலைக்குத் திரும்பியுள்ளார். இவருக்கு உதவும் விதமாக தான் உருவாக்கி வைத்திருந்த கதையைக் கொடுத்துள்ளார் ஏ.ஆர்.முருகதாஸ் முழுக்க நாயகிக்கு முக்கியத்துவம் கொடுத்து உருவாகியுள்ள இக்கதையில் நடிக்க த்ரிஷா சம்மதம் தெரிவித்துள்ளார். லைகா நிறுவனம் தயாரிக்கவுள்ளது. தற்போது த்ரிஷாவுடன் நடிக்கவிருப்பவர்கள் தேர்வு மும்முரமாக நடைபெற்று வருகிறது.
விஷால் நடித்து, தயாரிக்க 'இரும்புத்திரை 2' உருவாகவுள்ளது. ஆனால், மித்ரன் இயக்கவில்லை என்று தகவல் வெளியாகியுள்ளது. விஷால் நடித்து, தயாரித்து 2018-ம் ஆண்டு வெளியான படம் ‘இரும்புத்திரை’. பி.எஸ்.மித்ரன் இயக்கிய இப்படத்தில் அர்ஜுன், சமந்தா, டெல்லி கணேஷ் உள்ளிட்ட பலர் நடித்திருந்தனர். யுவன் இசையமைத்த இப்படத்துக்கு ஜார்ஜ் வில்லியம்ஸ் ஒளிப்பதிவு செய்திருந்தார். விமர்சன ரீதியாகவும், வசூல் ரீதியாகவும் விஷாலுக்கு ஒரு வெற்றிப் படமாக 'இரும்புத்திரை' அமைந்தது. தற்போது 'இரும்புத்திரை 2' படத்தை தயாரித்து, நாயகனாக நடிக்க விஷால் திட்டமிட்டுள்ளார். ஆனால், 'இரும்புத்திரை' இயக்குநர் மித்ரன் 2-ம் பாகத்தை இயக்கவில்லை. இயக்குநர் எழிலிடம் உதவி இயக்குநராக பணிபுரிந்த ஆனந்த் 'இரும்புத்திரை 2' படத்தை இயக்கவுள்ளார். அவர் கூறிய கதை விஷாலுக்கு மிகவும் பிடித்திருந்தது மட்டுமன்றி, 'இரும்புத்திரை' போன்றதொரு களத்திலேயே இருந்ததால் இந்த முடிவை எடுத்துள்ளார். இதன் படப்பிடிப்பு விரைவில்…
