பெண் மருத்துவர் கொலை – சந்தேகநபர்கள் சுட்டுக் கொலை

ஹைதராபாத் கால்நடை பெண் மருத்துவரை பாலியல் வன்கொடுமை செய்து எரித்து கொலை செய்த சம்பவத்தில் கைது செய்யப்பட்ட 4 நான்கு சந்தேகநபர்களும் இன்று அதிகாலை சுட்டுக் கொலை செய்யப்பட்டுள்ளனர். குறித்த பெண் மருத்துவர் எரித்து கொலை செய்யப்பட்ட இடத்திலேயே குறித்த நான்கு சந்தேகநபர்களும் சுட்டுக் கொல்லப்பட்டுள்ளதாக தெலுங்கானா பொலிஸார் தெரிவித்துள்ளனர். பெண் மருத்துவர் எரித்து கொலை செய்யப்பட்ட பாலத்திற்கு அடியில் கொலையை எவ்வாறு செய்ததாக சந்தேகநபர்கள் நடித்து காட்டிய போது தப்பிச் செல்ல முயற்சித்துள்ளதாக தெரிவிக்கப்படுகிறது. இதன்போது, பொலிஸார் மேற்கொண்ட துப்பாக்கிச் சூட்டில் குறித்த நான்கு சந்தேகநபர்களும் உயிரிழந்துள்ளதாக தெலுங்கானா செய்திகள் தெரிவிக்கின்றன.

கொன்சவேட்டிவ் கட்சியின் தேர்தல் விஞ்ஞாபனத்திற்கு எதிராக பிரித்தானியாவில் ஆர்ப்பாட்டம்

ஐக்கிய இராஜியத்தின் கொன்சவேட்டிவ் கட்சி முன்வைத்துள்ள தேர்தல் விஞ்ஞாபனத்தில் இலங்கை தொடர்பில் தெரிவிக்கப்பட்டுள்ள கருத்துக்களுக்கு எதிராக பிரித்தானியாவில் வாழும் இலங்கையர்கள் ஆர்ப்பாட்டம் ஒன்றை நடத்தியுள்ளனர். லண்டனில் அமைந்துள்ள தொழிற்கட்சியின் பிரதான அலுவலகத்திற்கு முன்பாக நேற்று இந்த ஆர்ப்பாட்டம் நடத்தப்பட்டுள்ளதாக தெரிவிக்கப்படுகின்றது. பிரித்தானிய கொன்சவேட்டிவ் கட்சியினால் முன்வைக்கப்பட்டுள்ள தேர்தல் விஞ்ஞாபனத்தில் இலங்கையில் இரண்டு இராஜியங்கள் உருவாக்கப்பட வேண்டும் என தெரிவிக்கப்பட்டுள்ளது. இது தொடர்பில் கொன்சவேடிவ் கட்சிக்கு கடிதம் ஒன்றை அனுப்பி குறித்த தீர்மானத்தை எந்தவிதத்திலும் ஏற்றுக்கொள்ள முடியாது என இலங்கைக்கான பிரித்தானிய உயர் ஸ்தானிகர் மணிசா குணசேகர நேற்று தெரிவித்திருந்தார். இந்த நிலையில் கொன்சவேடிவ் கட்சி உறுப்பினர்கள் விடுதலை புலிகள் அமைப்புக்கு சார்பானவர்கள் என தெரிவித்து பிரதானியாவில் உள்ள இலங்கை தமிழர்கள் அமைப்பு இந்த போராட்டத்தை நடத்தியுள்ளது.

இலங்கையில் இரண்டு இராஜியங்களை ஏற்படுத்த வேண்டும்

இலங்கையில் இரண்டு இராஜியங்களை ஏற்படுத்த வேண்டும் என ஐக்கிய இராஜியத்தின் கொன்சவேட்டிவ் கட்சி முன்வைத்துள்ள தேர்தல் விஞ்ஞாபனத்தை எந்தவிதத்திலும் ஏற்றுக்கொள்ள முடியாது என இலங்கைக்கான பிரித்தானிய உயர் ஸ்தானிகர் மணிசா குணசேகர தெரிவித்துள்ளார். கொன்சவேடிவ் கட்சிக்கு அனுப்பி வைத்துள்ள கடிதத்தில் அவர் இதனை குறிப்பிட்டுள்ளார். மேலும் இந்த தீர்மானம் இலங்கையின் நல்லிணக்கத்திற்கு பெரும் குந்தகத்தை ஏற்படுத்தும் என அவர் அந்த கடிதத்தில் சுட்டிக்காட்டியுள்ளார். எதிர்வரும் 12 ஆம் திகதி நடைபெறவுள்ள பிரித்தானிய பொதுத் தேர்தலுக்காக ஆளும் கன்சவேட்டிவ் கட்சி கடந்த 25 ஆம் திகதி 64 பக்கங்களை கொண்ட தேர்தல் விஞ்ஞாபனத்தை முன்வைத்தது. ´´உலகம் முழுவதும் நல்லிணக்கம், நிலையான தன்மை மற்றும் நியாயத்தை நிலைநாட்ட தொடர்ந்தும் ஒத்துழைப்பு வழங்கப்படும் அதேவேளை சைப்பிரஸ், இலங்கை மற்றும் மத்திய கிழக்கு போன்ற நாடுகளில் நிலவிய தற்போதைய அல்லது முன்னர் இருந்த…