3 மொழி படத்தில் நடிக்கும் தனுஷ்

தமிழ், தெலுங்கு, இந்பதிவு: ஜூன்தி ஆகிய 3 மொழிகளில் தயாராகும் புதிய படத்தில் நடிக்க தனுஷ் ஒப்பந்தம் செய்யப்பட்டு உள்ளார்.
இந்த படத்தை பிரபல தெலுங்கு டைரக்டர் சேகர் கம்முலா இயக்குகிறார். இவர் சிறந்த இயக்குனருக்கான தேசிய விருது பெற்றவர். டாலர் ட்ரீம்ஸ், பிடா, லீடர் உள்ளிட்ட படங்களை இயக்கி உள்ளார். தனுஷ் படத்தை அதிக பொருட்செலவில் இயக்க உள்ளார். இதர நடிகர், நடிகைகள், தொழில்நுட்ப கலைஞர்கள் தேர்வு நடக்கிறது. தனுஷ் இந்தியில் ஏற்கனவே அந்த்ராங்கி ரே படத்தில் நடித்து முடித்துள்ளார். இந்த படம் விரைவில் திரைக்கு வர உள்ளது. கார்த்திக் நரேன் இயக்கும் படத்திலும் நடிக்க உள்ளார். தற்போது அவெஞ்சர்ஸ் படங்களை டைரக்டு செய்த ருஸ்ஸோ சகோதரர்கள் இயக்கும் த கிரேமேன் ஹாலிவுட் படத்தில் நடிக்க அமெரிக்காவில் முகாமிட்டு உள்ளார். ஒரு கொலை கும்பலின் தலைவன் கதாபாத்திரத்தில் அவர் நடிக்க உள்ளதாக கூறப்படுகிறது. இந்த படத்தை முடித்துவிட்டு சேகர் கம்முலு படத்தில் நடிப்பார் என்று தெரிகிறது.

—–

தி பேமிலி மேன் 2 வெப் தொடர் சமீபத்தில் ஓ.டி.டி. தளத்தில் வெளியாகி எதிர்ப்புக்கு உள்ளானது.

இந்த தொடரில் விடுதலைப்புலிகள் போராட்டத்தை அவதூறு செய்து இருப்பதாக கண்டனங்கள் எழுந்தன. தொடருக்கு தடை விதிக்க வேண்டும் என்றும் வற்புறுத்தப்பட்டது. இதில் போராளியாக வந்த சமந்தாவின் கதாபாத்திரமும் சர்ச்சையானது. மனோஜ்பாய், பிரியாமணி, மைம்கோபி, அழகம் பெருமாள் ஆகியோரும் முக்கிய கதாபாத்திரங்களில் வந்தனர். ராஜ் மற்றும் டீகே இயக்கினர்.

அடுத்து தி பேமிலிமேன் தொடரின் 3-ம் பாகம் தயாராக உள்ளது. இதில் விஜய்சேதுபதியை முக்கிய கதாபத்திரத்தில் நடிக்க வைக்க முயற்சிகள் நடப்பதாக தகவல் வெளியாகி உள்ளது. தி பேமிலிமேன் 2-வது சீசனிலேயே போராளி குழு தலைவர் கதாபாத்திரத்தில் நடிக்க விஜய் சேதுபதியை அணுகியதாகவும், ஆனால் அவர் மறுத்ததால் மைம் கோபியை தேர்வு செய்ததாகவும் கூறப்படுகிறது.

தமிழ் நடிகர்கள் நடித்த பேமிலிமேன் 2 தொடர் பிரபலமானதால் 3-ம் பாகத்தில் விஜய்சேதுபதியை நடிக்க வைக்க அந்த தொடரின் குழுவினர் ஆர்வமாக இருப்பதாக கூறப்படுகிறது. ஆனால் விஜய்சேதுபதி நடிப்பாரா? என்பது உறுதியாகவில்லை.

Related posts