30.12.2019 : அமெரிக்க குடியுரிமையுடன் இந்தியர்கள் ஆர்பாட்டம் !இந்தியா ருடே..!

குடியுரிமை திருத்த சட்டத்திற்கு ஆதரவு தெரிவித்து இந்திய வம்சாவளியினர் நியூயார்க் நகரில் உள்ள டைம்ஸ் சதுக்கத்தில் பேரணியாக திரண்டனர். நாடு முழுவதும், குடியுரிமை திருத்த சட்டத்துக்கு எதிராக கடந்த வாரம் தீவிர போராட்டம் நடைபெற்றது. இந்த போராட்டம் சில இடங்களில் வன்முறையாக வெடித்தது. நாட்டின் தலைநகர் டெல்லியில் கல்லூரி மாணவர்கள் மற்றும் பல்வேறு அமைப்பினர், பல பகுதிகளில் தீவிர போராட்டங்களில் ஈடுபட்டனர். இதில் வன்முறை சம்பவங்களும் அரங்கேறின. உத்தரபிரதேசத்தின் லக்னோ, அலிகார் பகுதிகளில் நடந்த போராட்டம் மாநிலம் முழுவதும் பரவி பல இடங்களில் கலவரம் ஏற்பட்டது. போராட்டக்காரர்கள் வாகனங்களுக்கு தீ வைத்தும், போலீசார் மீது கற்களை வீசியும் வன்முறையில் ஈடுபட்டனர். அவர்கள் மீது போலீசார் தடியடி நடத்தியும், கண்ணீர் புகை குண்டுகளை வீசியும் கலைத்தனர். சில இடங்களில் ரப்பர் குண்டுகள் மூலம் போலீசார் சுட்டனர். இந்த போராட்டத்தில்…

65 வயது நிரம்பிய முதியோர்களுக்கு திருமணம்!

கேரள மாநிலம் திருச்சூர் அருகே உள்ள ராமபுரத்தை சேர்ந்தவர் கிருஷ்ணய்யர் (வயது 70). இவர் சமையல் வேலை செய்தார். இவரிடம் கொச்சுஅனியன் (67) என்பவர் உதவியாளராக இருந்துள்ளார். இந்த நிலையில் கிருஷ்ணய்யர் இறந்து விட்டதால் அவருடைய மனைவி லட்சுமி அம்மாளை (66) ராமபுரத்தில் உள்ள மாநகராட்சிக்கு சொந்தமான முதியோர் இல்லத்தில் சேர்த்தனர். இவரை கொச்சுஅனியன் அடிக்கடி சந்தித்து ஆறுதல் கூறி வந்தார். அப்போது இரண்டு பேரும் ஒருவருக்கு ஒருவர் ஆறுதலாக இருக்கும் வகையில் திருமணம் செய்து கொள்ள முடிவு செய்தனர். இந்த முடிவை முதியோர் இல்லத்தில் உள்ள சூப்பிரண்டு வி.ஜி. ஜெயக்குமாரிடம் தெரிவித்துள்ளனர். அவரும் இதற்கான ஏற்பாடுகளை செய்தார். இதையொட்டி 2 பேரின் திருமணமும் முதியோர் இல்லத்தில் வைத்து நடந்தது. இந்த திருமண விழாவுக்கு மாநகராட்சி மேயர் அஜிதா விஜயன் தலைமை தாங்கினார். விழாவில் மந்திரி சுனில்குமார்…

முள்ளிவாய்க்காலை வேடிக்கை பார்த்த தமிழரசு கட்சி : இலங்கை : 30.12.2019

வடக்கு கிழக்கு வாழ் தமிழ் மக்களின் இன்றைய அவல நிலைக்கு காரணம் தமிழரசுக் கட்சியே. நிலைமை இவ்வாறிருக்கும் போது வடக்கு கிழக்குக்கு வெளியே தேர்தலில் போட்டியிட இருப்பதாக தகவல்கள் வருகின்றன. தயவு செய்து அவர்களையாவது நிம்மதியாக வாழவிடுங்கள் என தமிழர் விடுதலை கூட்டணியின் செயலாளர் நாயகம் வீ. ஆனந்தசங்கரி விடுத்துள்ள ஊடக அறிக்கையில் தெரிவித்துள்ளார். தமிழர் விடுதலை கூட்டணியின் செயலாளர் நாயகம் வீ. ஆனந்தசங்கரி விடுத்துள்ள ஊடக அறிக்கையில் மேலும் தெரிவிக்கப்பட்டுள்ளதாவது, ஏதோ ஓரளவு வறுமையான வாழ்விலும் தங்கள் குடும்ப உறுப்பினர்களுடன் செம்மையாக வாழ்ந்து வருகின்றார்கள். அதுமட்டுமல்ல பலவருடங்களாக அரும்பாடுபட்டு உருவாக்கிய பல தொழிற்சங்கங்கள் இன்றும் அங்கு பலமாகவே இருக்கின்றன. காலத்திற்குக் காலம் மாறி மாறி வரும் ஆட்சிக்கு வரும் அரசாங்கங்கள் மூலம் அமைச்சுப்பதவிகளைப் பெற்றுத் தங்கள் மக்களுக்கு சேவையாற்றி வருகின்றார்கள். அங்குள்ள தலைவர்கள் அந்த மக்களின்…

29.12.2019 இன்றைய தமிழ் சினிமா செய்திகளின் தொகுப்பு..

தம்பி, ஆயுத எழுத்து, அன்பே சிவம், வேட்டை, ரன் போன்ற பல்வேறு படங்களில் நடித்திருக்கிறார் மாதவன். தற்போது மும்பையில் தங்கியிருக்கிறார். நிறைய படங்களில் வாய்ப்பு வந்தாலும் தேர்வு செய்தே படங்களில் நடிக்க ஒப்புக்கொள்கிறார். குறிப்பாக மசாலா படங்களில் நடிப்பதை தவிர்த்து விடுகிறார். அவர் நடித்த இறுதிச்சுற்று தமிழில் அவருக்கு நல்ல வரவேற்பை பெற்றுத் தந்தது. அடுத்து விஜய்சேதுபதியுடன் இணைந்து விக்ரம் வேதா படத்தில் நடித்தார். தற்போது இஸ்ரோ விஞ்ஞானி நம்பி நாராயணன் கதையில் நடித்து வருகிறார். ‘ராக்கெட்டரி: தி நம்பி எபெக்ட்’ என அப்படத்துக்கு பெயரிடப்பட்டிருக்கிறது. சமீபத்தில் நிகழ்ச்சி ஒன்றில் கலந்துகொண்டு ரசிகர்கள் கேட்ட கேள்விக்கு பதில் அளித்தார் மாதவன். அவர் கூறும்போது,’இறுதிச்சுற்று போன்ற நல்ல படங்கள் அவ்வப் போது உருவாகிறது. ஆனால் இறுதிச்சுற்று படத்தை ரிலீஸ் செய்வதற்கு 2 ஆண்டுகள் காத்திருக்க வேண்டியிருந்தது. பலரும் மசாலா…

தர்பார் படத்தில் அரசியல் இல்லை” ஏ.ஆர்.முருகதாஸ் பேட்டி

“தர்பார் படத்தில் அரசியல் இல்லை. ரஜினிகாந்த், போலீஸ் கமிஷனராக நடித்து இருக்கிறார்” என்று டைரக்டர் ஏ.ஆர்.முருகதாஸ் கூறினார். ரஜினிகாந்த் நடித்து, ஏ.ஆர்.முருகதாஸ் டைரக்‌ஷனில் உருவாகி இருக்கும் புதிய படம், ‘தர்பார்’. இந்த படத்தில் ரஜினிகாந்த் ஜோடியாக நயன்தாரா நடித்து இருக்கிறார். ‘லைகா’ நிறுவனம் தயாரித்துள்ளது. பொங்கல் விருந்தாக படம் திரைக்கு வர இருக்கிறது. இதுபற்றி டைரக்டர் ஏ.ஆர்.முருகதாஸ் சென்னையில் நேற்று நிருபர்களுக்கு பேட்டி அளித்தார். அப்போது அவர் கூறியதாவது:- “தர்பார்’ மும்பையில் நடக்கும் போலீஸ் கதை. இதில் மும்பை போலீஸ் கமிஷனராக ரஜினிகாந்த் நடித்து இருக்கிறார். படத்தில் அரசியல் இல்லை. அரசியலை மனதில் வைத்து இந்த படத்தை நான் இயக்கவில்லை. ‘உலகம் சுற்றும் வாலிபன்’ படம் வெளிவந்த போது எம்.ஜி.ஆர். அரசியலில் இருந்தார். ஆனால் அந்த படத்தில் அரசியல் பற்றி பேசவில்லை. அதுபோலதான் ‘தர்பார்’ படத்தில் அரசியல்…

மக்கள் வழங்கிய ஆணையை சபாநாயகர் ஏற்றுக் கொள்ளவில்லை

அதிகாரத்தை மாற்றுவதற்காக ஜனாதிபதித் தேர்தலில் மக்கள் வழங்கிய ஆணையை சபாநாயகர் கருஜயசூரிய இன்னமும் ஏற்றுக் கொள்ளவில்லை என்று நீர் வழங்கள் இராஜாங்க அமைச்சர் வாசுதேவ நாணயக்கார தெரிவித்தார். அத்துடன் பாராளுமன்ற அதிகாரத்தை ஐக்கிய தேசிய கட்சியின் கரங்களிலேயே வைத்திருக்கும் நோக்கில் சபாநாயகர் செயற்படுவாரானால் அது பாரிய தவறாகும். அத்தியாவசியப் பொருட்களின் விலைகள் ஜனவரி நடுப்பகுதியில் குறைக்கப்படுமென அமைச்சர் வாசுதேவ நாணயக்கார தெரிவித்துள்ளார். கடந்த அரசாங்கத்தின் காலத்தில் தேசிய பொருளாதாரம் பாரிய சரிவை சந்தித்துள்ளதுடன், நாட்டின் உற்பத்தித்துறையும் கடுமையான வீழ்ச்சியை கண்டுள்ளதாகவும் அவர் கூறியுள்ளார். எஹெலியகொடவில் நடைபெற்ற மக்கள் சந்திப்பில் கலந்துகொண்டு உரையாற்றும் போதே அவர் இவ்வாறு தெரிவித்துள்ளார். அவர் மேலும் கருத்து தெரிவிக்ைகயில், தேயிலை, மிளகு, இலவங்கப்பட்டை, முந்திரி ஆகியவற்றின் விலை அதிகரித்து வருகின்றது. இப்பொருட்களின் இறக்குமதி மற்றும் மீள் ஏற்றுமதிக்கு தடை விதிக்கப்பட்டமையின் காரணமாகவே இப்பொருட்களின்…

ராஜித்த சிறைச்சாலை வைத்தியசாலைக்கு மாற்றம்?

விளக்கமறியல் உத்தரவு பிறப்பிக்கப்பட்டுள்ள நிலையில் வைத்தியசாலையில் சிகிச்சைப்பெற்று வந்த முன்னாள் அமைச்சர் ராஜித்த சேனாரத்ன வைத்தியசாலையில் இருந்து டிஸ்சார்ஜ் செய்யப்பட்டுள்ளார். டிஸ்சார்ஜ் செய்யப்பட்ட அவர் சிறைச்சாலை வைத்தியசாலைக்கு மாற்றப்பட உள்ளதாக தெரிவிக்கப்படுகிறது. நேற்று முன்தினம் (27) ராஜித்த சேனாரத்ன கைது செய்யப்பட்ட நிலையில், கொழும்பு மேலதிக நீதவான் அவரை எதிர்வரும் 30 ஆம் திகதி வரையில் விளக்கமறியலில் வைக்குமாறு உத்தரவிட்டிருந்தார். கடந்த ஜனாதிபதி தேர்தல் காலத்தில் ஏற்பாடு செய்யப்பட்ட வௌ்ளை வேன் ஊடக சந்திப்பு தொடர்பில் மேற்கொள்ளப்பட்டு வரும் விசாரணைகளுக்கு அமைவாக ராஜித்த சேனாரத்ன கைது செய்யப்பட்டுள்ளமை குறிப்பிடத்தக்கது. (செய்திப் பின்னணி) கடந்த ஜனாதிபதி தேர்தல் காலத்தில் முன்னாள் அமைச்சர் ராஜித்த சேனாரத்ன தலைமையில் நடைப்பெற்ற வௌ்ளை வேன் கடத்தல் தொடர்பான ஊடகவியலாளர் சந்திப்பு பெரும் சர்ச்சையை ஏற்படுத்தியிருந்தது. இந்த நிலையில், ராஜித்த சேனாரத்னவுடன் குறித்த ஊடக…