மீண்டும் கவர்ச்சி வலைவிரிக்கும் இலியானா

தமிழ், தெலுங்கு படங்களில் நடித்து வந்த இலியானா திடீரென்று இந்தியில் நடிக்கச் சென்றார். பாலி வுட்டில் நுழைந்த வேகத்தில் வெற்றி படமும் அமைந்தது. ஆனால் அங்குள்ள போட்டியை சமாளிக்க முடியாமல் திணறினார். வெற்றி படம் தந்தபோதும் பட வாய்ப்புகள் குவியவில்லை. வந்த வாய்ப்புகளை ஏற்று நடித்தவருக்கு கைவசம் இருந்த படங்களை முடித்துக்கொடுத்த பின் புதிய வாய்ப்புக்காக காத்திருக்க வேண்டிய நிலை ஏற்பட்டுள்ளது. இதையடுத்து மீண்டும் தென்னிந்திய படங்களில் கவனத்தை திருப்ப முடிவு செய்தார். அதற்காக தெரிந்த நண்பர்களை தூதுவிட்டு வாய்ப்பு தேடியதுடன் தனது அரை நிர்வாண கவர்ச்சி படங்களை நெட்டில் வெளியிட்டு பரபரப்பு ஏற்படுத்தினார். அதற்கு பலன் கிடைத்தது. சுமார் 6 வருட இடைவெளிக்கு பிறகு தெலுங்கில் கடந்த ஆண்டு அமர் அக்பர் ஆண்டனி படத்தில் ஒரு பாடலுக்கு நடனம் ஆட வந்த வாய்ப்பை இலியானா ஏற்றுக்கொண்டார்.…

எமி ஜாக்ஸனின் மாஜி காதலன் திடீர் நிச்சயதார்த்தம்

ஐ, 2,0 உள்ளிட்ட பல படங்களில் நடித்திருப்பவர் எமி ஜாக்ஸன். இந்தியிலும் சில படங்களில் நடித்தார். தமிழில் வெளியான விண்ணை தாண்டி வருவாயா படத்தின் இந்தி ரீமேக்கான ஏக் திவானா தா படத்தில் கதாநாயகியாக நடித்தார். இதில் ஹீரோவாக பிரதிக் பாப்பர் நடித்தார். அப்போது இருவருக்கும் காதல் மலர்ந்தது. காதல் பறவைகளாக சுற்றிதிரிந்த இவர்கள் பல்வேறு இடங்களுக்கு டேட்டிங் சென்றதுடன் ஒருவர் பெயரை மற்றொருவர் காதல் நினைவாக டாட்டூ போட்டுக்கொண்டனர். நாளடைவில் இவர்களுக்குள் மனக் கசப்பு ஏற்பட்டது. கடந்த ஆண்டு இருவரும் பிரேக் அப் செய்து கொண்டு பிரிந்தனர். பின்னர் இங்கிலாந்தை சேர்ந்த ஜார்ஜ் பன்னாயிட்டோ என்ற கோடீஸ்வர தொழில் அதிபருடன் எமிக்கு நட்பு ஏற்பட்டது. அது காதலாக மலர்ந்தது. சமீபத்தில் அவருடன் நிச்சயதார்த்தமும் நடந்தது. எமியும், ஜார்ஜும் ஒரு சில மாதங்களில் திருமணம் செய்துகொள்ள திட்டமிட்டுள்ளனர்.…

முக்கியக் கதாபாத்திரத்துக்கு ஆர்யாவுடன் பேச்சுவார்த்தை

'இந்தியன் 2' படத்தில் கமலுடன் முக்கியக் கதாபாத்திரத்தில் நடிக்க ஆர்யாவுடன் பேச்சுவார்த்தை நடத்தி வருகிறார்கள். கமல்ஹாசன் நடிப்பில், ஷங்கர் இயக்கத்தில் வெளியான படம் ‘இந்தியன்’. பெரும் வரவேற்பைப் பெற்ற இப்படத்தின் 2-ம் பாகத்தின் முதற்கட்டப் படப்பிடிப்பு முடிவடைந்தது. லைகா நிறுவனம் பெரும் பொருட்செலவில் தயாரித்து வருகிறது. ஷங்கர் இயக்கத்தில் கமல், காஜல் அகர்வால், நெடுமுடி வேணு ஆகியோர் ஒப்பந்தம் செய்யப்பட்டுள்ளனர். ஒளிப்பதிவாளராக ரவிவர்மன், இசையமைப்பாளராக அனிருத் ஆகியோர் பணிபுரிந்து வருகிறார்கள். இப்படத்தில் நடிக்க பல முன்னணி நடிகர்களிடம் பேச்சுவார்த்தை நடத்தியுள்ளது படக்குழு. அக்‌ஷய்குமார், அஜய் தேவ்கன், சிம்பு, சித்தார்த், அபிஷேக் பச்சன் உள்ளிட்ட பலர் இப்படத்தில் நடிக்க பேச்சுவார்த்தை நடந்து வருவதாக செய்திகள் வெளியாகின. இது தொடர்பாக படக்குழுவினரிடம் விசாரித்த போது, "சிம்புவுக்குப் பதிலாக சித்தார்த் நடிக்கவுள்ளார் என்பது கிட்டத்தட்ட உறுதியாகிவிட்டது. மேலும், ஆர்யாவிடம் பேசியுள்ளோம். படப்பிடிப்புக்கான…

இலங்கையில் காணாமல் ஆக்கபட்டவர்களின் உறவினர்கள் பேரணி

ஐ.நா மனித உரிமை தீர்மானத்தை நடைமுறைப்படுத்த இலங்கை அரசுக்கு மேலும் கால நீட்டிப்பை வழங்க வேண்டாம் என வலியுறுத்தி காணாமல் ஆக்கபட்டவர்களின் உறவினர்களினால் இலங்கையின் வவுனியா மாவட்டத்தில் ஆர்ப்பாட்ட பேரணி ஒன்று இன்று (புதன்கிழமை) முன்னெடுக்கப்பட்டது. இலங்கையின் வடக்கு கிழக்கு மாகாணங்களில் வலிந்து காணாமல் ஆக்கப்பட்டவர்களின் உறவினர்களின் ஏற்பாட்டில் இந்த ஆர்ப்பாட்ட பேரணி முன்னெடுக்கப்பட்டது. ஐ.நாவே கையில் கொடுத்தவர்களை தேட ஒ.ஏம்.பி அலுவலகம் தேவையா?, ஐ.நாவே ரகசிய சித்தரவதை முகாம்களை கண்டு பிடித்து எங்கள் பிள்ளைகளை மீட்டு தா?, சர்வதேச விசாரணை தேவை, ஐ.நாவே இலங்கை அரசிற்கு கால அவகாசம் வழங்காதே? உள்ளிட்ட வசனங்கள் தாங்கிய பதாதைகளை ஏந்தியவாறு போராட்டத்தில் ஈடுபட்டனர். வவுனியா பழைய பேருந்து நிலையத்தில் ஆரம்பமாகிய போராட்டம் கடைவீதி வழியாக பேரணியாக சென்று வைத்தியசாலை சுற்றுவட்டத்தை அடைந்து மீண்டும் பழையபேருந்து நிலையத்தினை அடைந்திருந்தது. எமது…

பேஸ்புக் பயன்படுத்தினால் பணி நீக்கம்

அரசு அலுவலர்கள் கடமை நேரத்தில் ஃபேஸ்புக் அல்லது ஸ்மார்ட் ஃபோன் பயன்படுத்தினால் சம்பந்தப்பட்ட நபரை வேலையிலிருந்து நீக்குவேன் என்று இலங்கையின் மத்திய மாகாண ஆளுநர் மைத்திரி குணரத்ன தெரிவித்துள்ளார். அதன் பின்னரே, குறித்த நபர் தொடர்பில் ஒழுக்காற்று விசாரணை நடத்தப்படும் என்றும் அவர் கூறியுள்ளார். மத்திய மாகாணத்தில் அரசு தொழில் நியமனம் வழங்கும் நிகழ்வொன்றில் நேற்று செவ்வாய்கிழமை கலந்து கொண்டு உரையாற்றும் போதே அவர் இந்த அதிரடிக் கருத்துக்களை வெளியிட்டார். அவர் மேலும் கூறுகையில்; "மக்கள் செலுத்துகின்ற வரிகளிலிருந்தே அரசு ஊழியர்களுக்கு சம்பளம் வழங்கப்படுகிறது. அரிசி, பருப்பு, மின்சாரக் கட்டணம் என எல்லாவற்றுக்குமே அரசாங்கம் வரி அறிவிக்கிறது. இவ்வாறு பெறப்படுகின்ற வரிகளில் இருந்தே அரசாங்கத்தை நடத்துகின்றோம்" என்றார். "இலங்கையில் யாரிடமாவது என்ன வகையான தொழில் வேண்டும் என்று கேட்டால், அரச தொழில் வேண்டும் என்றுதான் சொல்லுகின்றனர்.ஏனென்றால் வேலை…

மூத்த எழுத்தாளர் சாருகேசி காலமானார்

மூத்த எழுத்தாளரும், இசை விமர்சகருமான சாருகேசி உடல்நலக் குறைவு காரணமாக சென்னையில் இன்று காலமானார். அவருக்கு வயது 80. தமிழின் பிரபல வார, மாத இதழ்களில் தொடர்ந்து எழுதி வந்த சாருகேசியின் இயற்பெயர் எஸ்.விஸ்வநாதன். விஸ்வநாதன் சுப்ரமணியன் என்கிற இவரது இயற்பெயரை சாருகேசியாக்கியவர் வாதூலன். அப்போது இவருக்கு சாருகேசி என்று ஒரு ராகம் இருப்பதுகூட தெரியாது. பின்னாட்களில் நிறைய கச்சேரிகள் கேட்டு, புத்தகங்கள் படித்து தனது கர்னாடக இசை அறிவைப் பெருக்கிக் கொண்டார். தமிழிலும் ஆங்கிலத்திலும் சங்கீத, நாட்டிய, நாடக விமர்சனங்கள் எழுதி வந்த சாருகேசி சுமார் 60 வருடங்களாக எழுத்துலகுக்கு தன்னை அர்ப்பணித்துக் கொண்டவர். சாருகேசியின் முதல் கட்டுரை ‘கண்ணன்’ (1955) இதழில் வெளியானது. அதற்கு வழங்கப்பட்ட சன்மானம், ரூபாய் 5. முதல் சிறுகதை ‘கல்கி’யில் (1960) வெளியானது. அகமதாபாத்தில் தனியார் நிறுவனத்தில் பணிபுரிந்த சாருகேசி,…

அண்ணன் தம்பி மோதலில் அண்ணன் உயிரிழப்பு

யாழ்ப்பாணத்தில் சகோதரர்களுக்கு இடையில் இடம்பெற்ற மோதல் சம்பவம் காரணமாக மூத்த சகோதரர் உயிரிழந்துள்ளார். அதே நேரம் மற்றைய சகோதரன் காயமடைந்துள்ளார். காசு பிணக்கு காரணமாக யாழ். பருத்தித்துறை பகுதியில் நேற்று செவ்வாய்க்கிழமை இரவு இச் சம்பவம் இடம்பெற்றுள்ளது. குறித்த சம்பவத்தில் நெல்லியடி வதிரி பகுதியை சேர்ந்த இரண்டு பிள்ளைகளின் தந்தையான சிறிரங்கநாதன் சுதாகரன் (வயது 38) என்பவரே உயிரிழந்துள்ளார். குறித்த சகோதரர்கள் இடையில் காசு கொடுக்கல் வாங்கல் தொடர்பில் நீண்டகாலமாக பிணக்கு நிலவி வந்துள்ளது. அந்நிலையில் நேற்றைய தினம் இரவு அண்ணன் தம்பிக்கு இடையில் காசு பிணக்கு வாய்த்தர்க்கமாக மாறியுள்ளது. வாய் தர்க்கம் கைக்கலப்பாக மாறிய போது தம்பி மீது அண்ணன் கத்தியால் குத்திய நிலையில் , அண்ணன் மீது தம்பி கொட்டனால் தாக்கியுள்ளார். கொட்டன் தாக்குதலுக்கு இலக்கான அண்ணன் சம்பவ இடத்திலையே உயிரிழந்துள்ளார். கத்திக்குத்துக்கு இலக்கான…

யோகசாமி என்ற அழகன் இன்று இல்லை

நேர் உச்சிக்கு சற்று இடது புறமாக வகிடு விட்டு அலை போன்று கேசத்தை மேடும் (இம்மாதிரியான ஸ்ரைலை ‘குணுக்கு’ என அழைப்போம்.) பள்ளமாக கொண்ட மாநிறம் உடையவரும், பார்த்தவர்களை உடன் வசீகரிக்கக் கூடிய புன்னகையும் அழகிய தோற்றமும் கொண்டவர்தான் நான் முதலில் பார்த்த யோகசாமி மாஸ்ரர். வாலிபோல் என்ற கரப்பந்தாட்டத்தில் என்னை முதன் முதலாக ஈர்த்தவர்களில் அரியாலை விளையாட்டுக் கழகத்திற்காக ஆடிய சீவரத்தினம், குணரத்தினம், மற்றும் இரத்தினசிங்கம் மாஸ்ரர். அடுத்ததாக நவஜீவன்ஸ், யங்கம்பன் போன்ற கழகங்களுக்காக ஆடிய தங்கவடிவேல் மாஸ்ரர், யோகசாமி மாஸ்ரர், மற்றும் விஜயன் ஆகியோர். செற்றப் ஆட்டத்திலும், உலக அங்கீகாரம் பெறாத ஓவர் கரப்பந்தாட்டத்திலும் சரி இவர்கள் மிகச் சிறப்பாக விளையாடுவதை எனது சிறுவயதில் பார்த்து மகிழ்ந்துள்ளேன். இவர்களில் தங்கவடிவேல் மாஸ்ரர், யோகசாமி மாஸ்ரர் ஆகியோர் தொடர்ந்து சிவியான் மைதானம் மற்றும் வடமராட்சிப் பகுதிகளில்…